Jeremia 44:23 - O Debleskro Drom 2021 (Sinte)

²³ Tumer chatchran sungepaskro koowa i bolepaskri rajetsake, un kran, hoi djungeles hi glan o baro Debleskre jaka, un shunan gar ap leste, un djiwan gar pal leskre laba un pal leskro tchatchepen, un kran gar, hoi job tumendar kamas. Doleske was sawi bibacht pral tumende, jaake har kau diwes hi.

O Debleskro Lab 2024 (Sinte-Manouche)

²³ T'mer rhačran soungepaskro koova i bolepaskri rayetsake, oun kran, hoy djoungeles hi glan o baro Debleskre yaka, oun shounan gar ap leste, oun djivan gar pal leskre laba oun pal leskro čačepen, oun kran gar, hoy yob t'mendar kamas. Doleske vas savi bibarht pral t'mende, yaake har kava dives hi.

Jeremia 44:23 Referans Kwoze

1. Rajengro liil 9:9

Palle well lenge penlo: ‘Jon mukan pengro baro Debles, koles kai lengre phuren dran o them Egiptia win anas. Jon rikran pen ap o wawar debla. Glan lende djan le ap pengre tchanga un mangan len an. Doleske anas o baro Dewel kai tseli bibacht pral lende.’

Debleskri gili 119:150

Kol tchilatche, kai man palla lenn, hi buder gar dur mandar. Tiro dromestar hi le dur.

Nehemia 13:18

Kran kowa tumare phure gar ninna jaake, te anas maro Dewel koi bari bibacht pral mende un pral kau foro? Un tumer krenn i choli pral o Israel gomme bareder, doleske te budrenn tumer ap o Debleskro diwes.”

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

1. Korintarja 10:20

Kowa, hoi i menshe kol deblen dran kasht un bar denna, anenn jon i bengenge, gar o Debleske. Un me kamau gar, te wenn tumer i bengentsa khetne.

Ropaskre gilja 1:8

Jerusalem anas doosh ap peste, doleske hi kau foro har i chatchedi djuwel. Halauter, kai hadan lat an o bolepen, praassenn lat kanna. Jon dikenn, har nango joi hi. Joi rowella un khatrell peskro mui.

Jeremia 44:21

Ma patsenn, kai djinas o baro Dewel gar, hoi kran an i forja o themestar Juda un an i dromma o forestar Jerusalem, tumer un tumare phure, tumare bare raja, pralstune un i tsele menshe an o them! Kowa djas o baro Debleske an o dji,

Jeremia 44:18

Har mukam tele, te chatchrell sungepaskro koowa i bolepaskri rajetsake, un tchoram lake buder kek mool win, koi his men buder gar doha chapaske un wam o chareha un i bokatar maredo.

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 40:3

Jaake har job les penas, was ninna. Tumer anan doosh pral tumende, un kran gar, hoi o baro Dewel kamas un tumenge penas. Doleske was kau tselo koowa pral tumende.

Debleskri gili 119:155

I tchilatche krenn gar, hoi tu lendar kameh. Doleske tchiweh tu len gar an o tchatchepen.

Debleskri gili 78:56

Kolla hadan pen pale te pale ap o Debleste, ko pralstuneste, un kaman gar ap leste te shunell, un rikran gar leskre laba.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Debleskri gili 78:10

Jon rikran pen gar ap o Debleskre laba, hoi job lentsa win kras, un kaman gar ap leskro drom te djal.

Debleskri gili 119:136

Rowau bud swa pral kolende, kai mukenn tiro drom.

Jeremia 26:4

Pen lenge: Kowa hi, hoi o baro Dewel penell: Me bitchrom tumenge mire rakepangre, kai mange budrenn, te penenn le tumenge, hoi te krenn. Bud kope bitchrom len pash tumende. Tumer dan gar jak ap kowa, hoi le penan. Te shunenn tumer gar ap mande un djan gar ap miro drom, hoi tumende sikrom, un denn gar jak ap i laba, hoi mire rakepangre tumenge penenn,

Jeremia 44:2

Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer dikan koi tseli bibacht, kai me mukom pral o foro Jerusalem te well, un pral kol tsele forja an o them Juda; kau diwes hi lendar tchi har barra pral, un kek djiwell buder an kol forja.

Jeremia 44:3

Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

Jeremia 44:10

Bis ap kau diwes khaitas tumen tumari doosh gar. Tumer hadenn man gar, un djiwenn gar pal mire laba un pal miro tchatchepen, hoi me tumenge un tumare phurenge dom.

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

Daniel 9:13

Jaake har an o Moseskro liil tchinlo hi, jaake was ninna koi bari bibacht pral mende. Un mer mangam men gar tele glan tute, maro baro Debleste, un mukam gar maro tchilatcho drom, un dam gar jak ap tiro tchatchepen.