Jeremia 44:22 - O Debleskro Drom 2021 (Sinte)

²² un job nai dikas buder gar, har djan ap tumaro tchilatcho drom un kran sawo djungelo koowa! Doleske was tumaro them i mulo them. I menshe, kai shunenn kolestar, denn i wasta pral o shero khetne. Un te kamenn le jekes te praassell, penenn le: Mu djal tuke har o themeske Juda! Kek mensho djiwell buder koi. Jaake hi kowa kau diwes!

O Debleskro Lab 2024 (Sinte-Manouche)

²² oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 44:22 Referans Kwoze

Jeremia 25:18

Kolla his i menshe pengre bare rajentsa un pralstunentsa an o foro Jerusalem un an kol wawar forja an o them Juda. Jon hunte pijenn, te wenn le khetne dino un paash kerdo, jaake te denn i wawar menshe i wasta khetne pral o shero un rakrenn lendar har praassede menshendar.

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Jeremia 44:12

Me mukau kekes te djiwell kolendar, kai atchan djido an o them Juda, un kai djan an o them Egiptia, te djiwenn le kote. Jon halauter hunte merenn kote an o them Egiptia. O chareha wenn le maredo, un i bokatar merenn le: i tikne un i bare. Te dikenn wawar menshe, har lenge djal, hi le lenge har praassede menshe, kolendar darenn le. Jon san pral lende. Un te kamenn le jekes te praassell, penenn le: Mu djal tuke har i Israelenge an o them Egiptia!

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Jeremia 25:11

Kau tselo them well i mulo them, kai kek djiwell. Un i menshe dran Israel un kol themma trujel wenn an o them Babilonia anlo, un hunte budrenn o baro rajeske pral Babilonia efta-deesh bersha.

Jeremia 18:16

Doleske well lengro them har i mulo them, kai le daar lenna. Un kolenge, kai dikenn kowa, atchell o rakepen krik. Un jon denn i wasta pral o shero khetne.

Jesaja 43:24

Mange ginal tu gar lowenge gudlo sungepaskro khass, witar gar chatchral o viechengro thulepen, te wap tchalo. Na-a, mange kral bud budi tiri doshah. Ko tselo tchilatchepen, hoi kral, kras man khino.

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Remarja 9:22

Jaake hi kowa ninna o Debleha. Job kamas, te sikrell lo peskri soor, un te well peskri choli pral i menshende, kai nashedo hi. Ninna te kamas lo kowa te krell, rikras lo peskri choli i rah tsiro lendar pale.

Amos 2:13

Kanna tserdau tumenge i phub tel tumare herja krik, te perenn fun jek rig ap i wawar har i wurdin, hoi pherdo djob hi.

Daniel 9:12

Un tu rikral tiro lab un anal kowa, hoi penal, pral mende un pral mare tchatchepangre murshende, hoi menge o tchatchepen win krenn. Koi bibacht, hoi mukal pral mende te well, his jaake baro, te was tel o tselo bolepen sau koowa gar diklo har kowa, hoi an o foro Jerusalem djas.

Ezekiel 5:13

Te mukom miri tseli choli ap tumende win, un dom tumen pale, hoi kran, palle djal miri choli krik, un hom buder gar chojedo pral tumende. Un tumer djinenn, te homs me, o baro Dewel, kai das tumen trad o tselo djijeha.

Jeremia 44:6

Doleske was miri choli jaake baro, un chatchas har i jag an i forja an o them Juda un ap i dromma an o foro Jerusalem, te atchas lendar tchi har barra pral. Un kek nai djiwell kote, jaake har ap kau diwes hi.

Jeremia 44:2

Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer dikan koi tseli bibacht, kai me mukom pral o foro Jerusalem te well, un pral kol tsele forja an o them Juda; kau diwes hi lendar tchi har barra pral, un kek djiwell buder an kol forja.

Jeremia 29:19

Kowa well pral lende doleske, kai shunan le gar ap kol laba, hoi mire rakepangre lenge pale te pale penan. Jon kaman gar te shunell, penell o baro Dewel.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 24:9

Me anau sawi bibacht pral lende, te atchell i menshenge an i tsele themma ap kai phub o rakepen krik. Kote, kai len tradau, wenn le sapaske un praassepaske. Te kamell jek o wawares te praassell, penell lo: Tuke te djal har kol menshenge dran Jerusalem un Juda!

Jeremia 15:6

Tu djal mandar krik, penell o baro Dewel, un kamal mandar tchi buder djinell. Doleske hadom me miro wast ap tute, te marap tut. Me hom khino, te krap miro dji tuke pre.

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

1. Mose 19:13

Bud djungelo koowa was glan o baro Debleskre kanda, hoi i menshe an kau foro kran. Doleske bitchras men o baro Dewel, te kras kau foro paash.”

1. Mose 6:3

Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 23:2

Doleske penell o baro Dewel, ko Dewel pral o Israel, ap i pralstunende, kai hunte dans garda ap leskre menshende: Tumer rikran mire menshen gar khetne. Jon hi har bakre, kai wan kate te kote tradedo. Tumer dan gar garda ap lende. Kanna dau me garda, te lenn tumer tumari phagi ko tchilatchepaske, hoi kran.

Jeremia 29:18

O kurepen, i bok un o nasslepen lenn len palla. Un i menshe dran i tsele themma ap kai phub denn i wasta khetne pral o shero, te dikenn le len. An hako them, kai tradau len, dikenn le ap lende har ap praassede menshende, kolendar darenn le. Un jon denn shol pral lende un praassenn len.

Jeremia 30:14

Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 42:18

Doleske penell o baro Dewel, ko rai pral o bolepen un i phub, kai o Israeleskro Dewel hi: Te djan tumer an o them Egiptia, well miri soreli choli jaake pral tumende har was li pral i menshende an o foro Jerusalem. An o them Egiptia han har praassede menshe. Pral kolende denn le i wasta khetne pral o shero. Jon san pral tumende. Un te kamenn le jekes te praassell, penenn le: Mu djal tuke har i Israelenge an o them Egiptia! Un kau them, kai kanna han, dikenn tumer buder gar.

Jeremia 48:9

Tchiwenn i sikepen pre ap o drom, kai i Moabarja nai nashenn penge. Lengre forjendar atchell tchi har barra pre. Kek nai djiwell buder koi dren.

Ezekiel 39:23

Un i menshe an wawar themma dikenn un haiwenn palle, te wan i Israelitarja pengri doshake, hoi le ap pende anan, an o pandepen anlo. Jon rikran buder gar ap mande. Doleske mukom len. Un dom len an o wast kolendar, kai kuran pen lentsa. Jaake wan lengre tsele lurde o chareha maredo.

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

Jeremia 5:9

Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.