Jeremia 44:15 - O Debleskro Drom 2021 (Sinte)

¹⁵ I tsele mursha, kai djinan, kai lengre romja wawar deblenge sungepaskro koowa chatchran, un i tsele djuwja, kai pashel tardo his, ninna kol Hebrearja dran o them Egiptia un dran Patros, – khetne his le bud bud menshe – kolla lauter penan ap o Jeremia:

O Debleskro Lab 2024 (Sinte-Manouche)

¹⁵ I tsele morsha, kay djinan, kay lengre romya vavar deblenge soungepaskro koova rhačran, oun i tsele djouvya, kay pashel tardo his, ninna kol Hebrearya dran o them Egiptia oun dran Patros, – khetne his le boud boud menshe – kolla lauter penan ap o Yeremia:

Jeremia 44:15 Referans Kwoze

Gosewe laba 11:21

Tu nai deh tiro wast koi pre: O tchilatcho lell peskri phagi. Kolla, kai an o tchatchepen tardo hi, wenn win lino dran o merepen.

Mateo 7:13

Djan an o tikno wudar dren! Nashedo hi kolla, kai djan an o baro wudar ap o buchlo drom. Un bud djan koi.

Nehemia 13:26

“Djinenn gar”, penom, “te kras o baro rai Salomo sawo koowa un anas doosh ap peste? Un an bud wawar themma, his kek baro rai har job his. Un o Dewel kamas les jaake, te kras lo, te well lo rai pral o tselo them Israel. Ninna les anan peskre romja dran kol wawar themma jaake dur, te anas lo doosh ap peste!

1. Mose 19:4

Har jon kaman pen tele te tchiwell, wan i mursha o forestar Sodom pash o Loteskro kheer khetne. I tsele mursha dran o foro, kol terne un kol phure his tardo trul ko kheer,

Jesaja 1:5

Han gomme gar doha dino? Hoske rikrenn tumare djia pandlo un djan dureder ap tumaro tchilatcho drom? Tumaro tselo shero hi pherdo dukepen, un tumaro tselo dji hi nasselo.

Jesaja 48:5

Doleske penom me kowa tumenge glan i rah tsiro. Un glan kowa was, mukom me les tumen te shunell, te nai penenn gar: “Miri debleskri figura kras kowa, un koi figura dran kasht un saster, hoi an-mangom, kaja penas, te well kowa jaake.”

Jeremia 44:19

Un i djuwja penan: Te anah mer djuwja i bolepaskri rajetsake sungepaskro koowa un tchorah mool glan late win, palle krah mer kowa gar dran mende kokres. Na-a, mare romma djinenn kowa, te krah lake merklia, hoi win dikenn har joi, un tchorah mool glan late win.

Jeremia 44:24

Un o Jeremia penas ap i tsele menshende, ninna ap i djuwjende: Shunenn o baro Debleskro lab, tumer halauter dran o them Juda, kai han an o them Egiptia!

Ezekiel 29:14

Me krau, te well lenge lauter pale mishto, un anau len an o them Patros, an ko them, kolestar jon wenna. Kote well len palle i tikno rajeskro them,

Ezekiel 30:14

Un me krau, te well ko kotar them, hoi kharell Patros, i mulo them. An o foro Zoan tchiwau jag, te chatchrell lo tele. Un i menshenge an o foro Theben dau lengri phagi.

5. Mose 13:7

Nai well, te rakrell jek tchorchanes ap tute: ‘Mer djas un mangas wawar deblen an, kolen gar prindjreh, witar gar tire phure prindjran!’ Kowa nai hi tiro phraal, tiro tchawo oder tiri tchai, tiri romni oder tiro maal, koles o djijestar kameh.

Jeremia 44:1

Kawa hi kau lab, hoi o baro Dewel penas ap o Jeremia pral kol tsele menshende dran o them Juda, kai djiwenn an o them Egiptia. Jon his an i forja Migdol, Tachpanes un Memfis, ninna an o them Patros.