Jeremia 43:10 - O Debleskro Drom 2021 (Sinte)

¹⁰ Un pen ap lende: Kawa penell o baro Dewel, ko rai pral o bolepen un i phub, kai o Israeleskro Dewel hi: Shunenn, me dau o Nebukadnezares kate gole. Job, ko baro rai dran o them Babilonia, krell miri budi. Pral ap kal barra, hoi mukom an i phub te tchiwell, mukau leskro shukar plachteno kheer pre te tchiwell, kai lo beshdo hi un sikrell, kai job o baro rai hi.

O Debleskro Lab 2024 (Sinte-Manouche)

¹⁰ Oun pen ap lende: Kava penell o baro Devel, ko ray pral o bolepen oun i phoub, kay o Israeleskro Devel hi: Shounenn, me dau o Neboukadnezares kate gole. Yob, ko baro ray dran o them Babilonia, krell miri boudi. Pral ap kal barra, hoy moukom an i phoub te čivell, moukau leskro shoukar plarhteno kheer pre te čivell, kay lo beshdo hi oun sikrell, kay yob o baro ray hi.

Jeremia 43:10 Referans Kwoze

Jeremia 1:15

Shun mishto: Me dau gole i tsele menshen an kol themma, hoi an o norden tchiddo hi, te wenn jon, penell o baro Dewel. Lengre raja tchiwenn pengre beshepangre glan kol wudja o forestar Jerusalem, un trul leskre massurja un trul kol tsele forja an o them Juda.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Debleskri gili 31:20

Har baro hi tiro latchepen, miro Dewel, kolenge, kai djiwenn tuha! Hakeneste sikreh tu, har latcho tu kolenge hal, kai rikrenn pen ap tute.

Debleskri gili 27:5

An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

Debleskri gili 18:11

Un job beshas ap i cherub un hadas pes har i tchirklo; awa, job mukas pes te hidjrell ap i mussja o duchestar.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Daniel 2:21

Job hi o rai pral o tsiro, un dell hakeneste peskro tsiro; job lell i bare rajendar lengro them, un tchiwell wawar rajen dren; job dell i gosewen lengro goswepen un kolen, kai haiwenn tchomone, das job an o shero, te nai haiwenn le.

1. Rajengro liil 20:16

Un jon djan win dran o foro, har mashkral diwes his. Un kol terne mursha djan glan win. Un o Ben-Hadad pijas pes mates an i plachtene khera, job un kol wawar 32 (trijanda-dui) bare raja, kai ap leskri rig his. Koi was leske penlo kol murshendar, kolen job bitchras, te denn le jak: “Mursha wenna dran Samaria win.”

1. Rajengro liil 20:12

Har kowa o Ben-Hadad shunas, – job un kol wawar raja his beshdo pash o pipen an pengre plachtene khera – koi penas job ap peskre lurdende: “Djan ap lende pre!” Un jon tchiwan pen pre tardo, te kurenn le pen o foreha.

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jeremia 43:9

Le bare barra un tchip len an i phub pash o wudar, kai djal an o Faraeskro kheer an o foro Tachpanes! Kre kowa jaake, te dikenn i mursha dran o them Juda, hoi tu kreh!

Jeremia 46:13

Kawa hi o lab, hoi penas o baro Dewel ap leskro rakepaskro, o Jeremia, an ko tsiro, har o Nebukadnezar, ko baro rai dran o them Babilonia, an o them Egiptia djas, te lell lo les dren:

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Jeremia 49:38

Lengro baro rajes un lengre pralstunen marau me, un tchiwau miri rajeskri beshepaskri kote an o them Elam. Kowa penell o baro Dewel.