Jeremia 4:7 - O Debleskro Drom 2021 (Sinte)

⁷ I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

O Debleskro Lab 2024 (Sinte-Manouche)

⁷ I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Jeremia 4:7 Referans Kwoze

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 2:15

O lewo dell gole pral leste, dell sorelo gole un krell leskro them paash. Un leskre forja wenn pre chatchedo jaake, kai nai djiwenn kek koi dren.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Daniel 7:4

O ersto his har i lewo, un les his tchirklengre mussja har i adlari. Un me dikom, har i bare tchirklengre mussja lestar krik lino wan. Un ko viecho was pre hadedo i phubjatar, un pre-tchiddo ap peskre pire har i mensho. Un les was o dji i menshestar dino.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 33:10

Kowa penell o baro Dewel: Tumer penan: ‘Kau them hi i mulo them, kek menshe un kek vieche djiwenn kote.’ Djinenn, kal forja an o them Juda un i dromma o forestar Jerusalem, kai kanna jaake paash dino hi, te hi kote buder kek mensho un kek viecho dren,

Jeremia 26:9

Hoske peneh tu glan-wi an o baro Debleskro lab: Kau khereske djal har koleske an Shilo? Hoske peneh, kai kau foro well jaake paash dino, te djiwell buder kek koi dren?” Un i tsele menshe wan trul leste an o baro Debleskro kheer.

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Jesaja 5:9

O baro Dewel, ko rai pral o bolepen un i phub, das pes sowel un penas glan mire kanda: Kol bud khera wenn paash dino, un kek djiwell buder an kol bare shukar khera!

2. Rajengro liil 24:1

An ko tsiro, har o Jojakim o baro rai his, djas o baro rai dran o them Babilonia peskre lurdentsa pre ap o them Juda. Leskro lab his Nebukadnezar. Un o Jojakim hunte witsras pes tel leste un hunte plaissras leske bud lowe. Pal triin bersha phagas lo leha un kras buder gar, hoi kowa kamas.

Daniel 5:19

Doleske daran un trissan i menshe dran hako them un rakepen lestar. Un job maras, jaake har job kamas, un mukas koles te djiwell, kones job kamas, te atchell lo djido. Job hadas menshen un kras wawaren tikno, jaake har leske shukar his.

Jeremia 50:44

Har i lewo win well dran i burra pash o pani Jordan, wau me un tradau i Babilonarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Jeremia 27:8

Kanna penau tumenge, te hunte krenn tumer, hoi kamell o baro rai dran Babilonia tumendar, jaake har hunte krell i gurum, koles i kasht trul leskri meen hi, kowa, hoi leskro rai kamell. Hako them peskre menshentsa, hoi kamell kowa gar te krell, koles dau i phagi. Leskre menshe hunte merenn an o kurepen, i bokatar un dran nasslepen, bis te mukau o Nebukadnezares ko them dren te lell.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

2. Rajengro liil 25:1

Har o Zedekja an o enjato bersh baro rai his, was o baro rai pral o them Babilonia, o Nebukadnezar, peskre tsele lurdentsa pre glan o foro Jerusalem. Kowa his ap o deshto diwes an o deshto tchon. Un job tchiwas peskre lurden trul o tselo foro, un mukas tchik pre te witsrell trul o foro, te krell lo i drom, hoi djal pral ap o foreskri massuri.

Jeremia 4:29

Dran kol tsele forja nashenn le penge glan koi gole kol lurdendar, kai klissenn ap i graja, un kolendar, kai denn karje, un nashenn an pesse wesha un khatrenn pen mashkral i barra. Hako foro well muklo tchiddo. Kek djiwell buder koi dren.

Jeremia 22:7

Me bitchrau lurden pash tute, kai krenn tiro kheer paash; hakenes lendar hi peskro tower an o wast un dell kol wi-rodede pesse kashta an kotja un witsrell len an i jag.

Jeremia 44:2

Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer dikan koi tseli bibacht, kai me mukom pral o foro Jerusalem te well, un pral kol tsele forja an o them Juda; kau diwes hi lendar tchi har barra pral, un kek djiwell buder an kol forja.

Ezekiel 12:20

An kol forja djiwell buder kek. Un o hachetikro them well i mulo them. Palle dikenn un haiwenn tumer, te hom me o baro Dewel.

Ezekiel 21:31

Me, o baro Dewel, tiro rai, penau tuke: Krik ko dikleha trul tiro shero! Le i rajeskri stadi tele! Tchi atchell har his. Kowa, kai pral his, well tele. Un kowa, kai tele his, well pral!

Ezekiel 32:2

Tu, mensho, gib i ropaskri gili pral o Farao, ko baro rajeste o themestar Egiptia, un pen leske: Tu patseh, te hal har i terno lewo, o bareder rai mank i tsele rajende, un hal har i baro tchilatcho viecho an o baro pani. An kol lengste panja, kai djiweh, phurdal ducho dran tiro nak, te das o pani pre karje. Un tire herjentsa stakral jaake, te was i tchik dran o pani pre un o pani tchiklo.

3. Mose 26:31

Me mukau tumare forja an kotja te dell, un dau kol platse paash, kai tumare chochene deblen an-mangan. Un kowa, hoi tumer mange chatchrenn, un ko latcho sungepen, hoi well win, kowa kamau buder gar te sungell.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Jeremia 22:6

Un kowa hi, hoi o baro Dewel penell pral o kheer o baro rajestar pral o them Juda: Ninna te kamau kau kheer jaake har i wesha an o them Gilead un i berge Libanon, krau kau foro har i mulo foro, kai kek buder djiwell.

Jeremia 46:18

Me dau man sowel pash miro djipen, penell o baro rai, koleskro lab hi ‘o baro Dewel, o rai pral o bolepen un i phub’: I baro rai wella, kai hi bareder har i tsele wawar, jaake har i berga Tabor bareder hi har i berga trul late, un har i berga Karmel hadell pes pash o baro pani.