Jeremia 4:24 - O Debleskro Drom 2021 (Sinte)

²⁴ Me dikom ap kol bare un tikne berge. Kolla trissan.

O Debleskro Lab 2024 (Sinte-Manouche)

²⁴ Me dikom ap kol bare oun tikne berge. Kolla trissan.

Jeremia 4:24 Referans Kwoze

Ezekiel 38:20

Un glan mande trissenn i matche an o baro pani, i tchirkle un i wawar vieche, bare un tikne, hoi djiwenn ap i phub. Ninna i tsele menshe trissenn i darjatar. Un i berge phagenn khetne, i bare barra un i massurja perenn khetne.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Micha 1:4

Tel leskre pire wenn i berge tikno har i momeli, hoi tele chatchell, un perenn tele an i tala, jaake har o pani i berga tele nashell.

Debleskri gili 97:4

I jag dran o bolepen, hoi tele ap kai phub karje dell, mukell i rat win dikell har o diwes. Un i phub dikell kowa un trissell.

Debleskri gili 18:7

An miri daar kharom ap o baro Debleste. Awa, bari gole dom ap miro Debleste. An peskro railo kheer shunas lo man, un miri gole was glan leskre kanda.

1. Rajengro liil 19:11

Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Debleskri gili 77:18

Dran o bolepen das baro sorelo brishin. O bolepen das bari gole, un i jag das karje ap o bolepen kate un kote.

Debleskro tsiro 6:14

Un o bolepen tserdas pes khetne, har i liil, hoi khetne lino wella. Un kek berga atchas, kai his li tardo, witar gar kek them, hoi an i pani tchiddo hi.

2. Mose 19:18

Un trul koi tseli berga Sinai his jagakro ducho, har was o baro Dewel an i jag tele ap i berga. Un i jagakro ducho djas pre dran i berga jaake har dran i baro bob. Un koi tseli berga trissas soreles.

Jeremia 9:10

O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 24:20

I phub perell jek rigjatar ap i wawar har i mato, un perell khetne har i plachteno kheer. O tchilatcho koowa ap i phub hi jaake pharo, te perell li un stell gar buder pre.