Jeremia 4:19 - O Debleskro Drom 2021 (Sinte)

¹⁹ Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

O Debleskro Lab 2024 (Sinte-Manouche)

¹⁹ Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Jeremia 4:19 Referans Kwoze

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Jesaja 22:4

Doleske penau tumenge: Ma dikenn ap mande! Mukenn man te rowell. Miro dji hi jaake pharo. Ma rakrenn latches ap mande, kamau gar te bistrap koi bibacht, hoi ap mire menshende was.

Jesaja 16:11

Doleske rowell miro dji pral i menshende an o them Moab. Lauter an mande trissell o foreske Kir-Heres.

Jeremia 9:10

O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Jesaja 21:3

Hoi shunom, hi jaake djungelo, kai phagau khetne. Hoi dikom, krell man bari traash. Mire kokale trissenna, duka tapran man har i djuwjat, kai lell i ternepen.

Galatarja 4:19

Mire phrala! Me kamau tumen o djijestar, har te wans mire tchawe. Jaake har i djuwjat duka hi, te lell li i ternepen, jaake hi man pale duka tumenge, bis te well o Jesus Kristo diklo an tumende.

Daniel 8:27

Un man, o Danieles, his buder kek soor, un me homs diwessa nasselo. Un pal kowa stom pale pre, un krom miri budi pash o baro rajeste. Un ko dikepen, hoi dikom, kras mange daar un nai haiwom les gar.

Daniel 7:15

Mange o Danieleske, was miro ducho an mande pharo, un kowa hoi dikom, kras mange bari daar.

Jesaja 15:5

Miro dji rowell pral o them Moab; lengre menshe nashenn penge jaake dur har o foro Zoar, jaake dur har Eglat-Shelishija. Hi sawe, kai djan pre ap o drom an Luhit o ropah. Wawar djan ap o drom an Horonajim, un denn bari gole i dukatar.

Debleskri gili 116:7

Me penau ap miro dji: “Ma dare buder! O baro Dewel his latcho ap tute.”

Remarja 10:1

Mire phrala, miro tselo djijeha kamoms, te wenn i bibolde dran o Debleskri choli win. Un kowa mangau o Deblestar soreles.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Daniel 7:28

Kawa hi, hoi me dikom. Mange, o Danieleske, kras kawa bari daar. Un me wom parno an o mui i trashatar, un rakrom kekeha pral kau koowa.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 1:16

Doleske rowau, un mire jaka hi pherde swa. Man hi kek, kai penell mange latche laba, te lell miro dji pale newi soor. Mire tchawe hi kokres koi tardo, Kolla, kai dan men khetne, wan i sorleder.

Jeremia 23:9

Kowa penas o Jeremia ap kol rakepangre, kai hunte rakrans o Debleskre laba, un krenn kowa gar: Miro dji kamell te phagell an mande. Mire tsele kokale trissenn. O baro Dewel rakras mantsa. Un leskre laba, hoi lo penas, kran, te nai rikrau man buder gar ap i herja. Me wom har mato har jek kai hi mato i moljatar.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 4:21

Har rah hunte dikap me kol kurepangro sikepen, un shunap koi phurdepangri gole?

Jeremia 4:5

Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Debleskri gili 146:1

Halleluja! Miro dji sharell o baro Debles.

Debleskri gili 119:136

Rowau bud swa pral kolende, kai mukenn tiro drom.

Debleskri gili 119:53

I choli taprell man, te dikau, har i tchilatche mukan tiro drom.

Debleskri gili 103:1

O Davidestar. Miro tselo djijestar sharau o baro Debles. Lauter, hoi an mande hi, sharell leskro Debleskro lab!

Debleskri gili 16:2

Me penom ap o baro Debleste: Tu hal miro rai. Hako latcho koowa, hoi man hi, well tutar.

Čačepangre 5:21

Un ko phuro tikno pani, ko pani Kishon, tserdas leskre lurden krik. Dureder, dureder! Te was soreles an o kurepen!

4. Mose 10:9

Te perenn wawar menshe an tumaro them dren un kamenn rai pral tumende te well, un tumer djan an o kurepen, te kurenn tumen lentsa, palle hunte phurdenn soreles an i phurdepangre, te wenn tumer tumaro baro Debleske an o shero. Un job lell tumen win dran lengre wasta.

1. Mose 49:6

Kamau gar te wap jek lendar, har krenn le tchilatcho koowa win. Kamau gar te wap pash lende, kai jon khetne wenna. I choljatar dan le murshen mulo un dan gurma bango tchitcheske.

1. Korintarja 14:8

Te djan i lurde an o kurepen, palle phurdell jek ap i bashepaskri. Un job te phurdella jaake djungeles, te haiwell les kek, palle djal kek an o kurepen.

Jeremia 6:24

Mer shunam lendar, un mare mussja peran menge tele. Un i bari traash was ap mende. Men hi bare duka har i djuwel, kai i ternepen lella.

Jeremia 8:21

Mire menshe phagan khetne. Doleske rowell miro dji. Mange hi, har te merap, un djinau gar, hoi te krap.

Jeremia 42:14

An o them Egiptia kamah te djal, te dikas kek kurepen, un te shunas kek kurepaskri phurdepaskri, un te well men doha maro chapaske. Awa, kote kamah te atchell.”

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Jeremia 50:22

Shunenn i kurepaskri gole an o them Babilonia, un o baro ropen.

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

2. Rajengro liil 4:19

un penas ap peskro dadeste: “Miro shero, miro shero!” Leskro dad penas ap peskro budepaskro: “An les pash leskri date!”

2. Rajengro liil 8:11

Un o Debleskro mursh dikas bare jakentsa i rah tsiro ap leste, bis te ladjas lo pes. Palle rowas o Debleskro mursh.

Jesaja 21:4

Me hom nasselo an o shero, i daar mukell man te trissell. Dikom ap i rati, te djal mange feteder. Har i rati was, djas mange gomme djungleder.

Jeremia 8:18

Miro dji phagell. Man hi ropaske. Hoi nai krell man pale sorelo?

Ropaskre gilja 1:20

Ach, baro Dewel, dik, har bud traash man hi, har i duk an mande chatchella! Miro dji rissrell pes an mande! Hoske shunom gar ap tute? Glan o kheer tapras o charo mire tchawen, un an o kheer meran le dran i djungelo nasslepen.