Jeremia 37:5 - O Debleskro Drom 2021 (Sinte)

⁵ An ko tsiro djan i lurde o Faraestar dran o them Egiptia win. Har o Babilonarja, kai glan o foro Jerusalem pre tardo his, kowa shunan, tserdan le pen pale dran o foro Jerusalem.

O Debleskro Lab 2024 (Sinte-Manouche)

⁵ An ko tsiro djan i lourde o Faraestar dran o them Egiptia vin. Har o Babilonarya, kay glan o foro Yerusalem pre tardo his, kova shounan, tserdan le pen pale dran o foro Yerusalem.

Jeremia 37:5 Referans Kwoze

Ezekiel 17:15

I tsiro koi pre hadas pes o rai o themestar Juda, un bitchras murshen an o them Egiptia, te bitchrenn le leske graja un lurden. Djal kowa mishto? Lell jek, kai sawo koowa krell, kek phagi? Nai phagell lo peskri sowel, un lell kek phagi?

Jeremia 37:11

Har i egiptikre lurde pash Jerusalem wan, mukan i Babilonarja o foro Jerusalem.

Jeremia 34:21

Ninna o Zedekja, ko rai pral o them Juda, un leskre pralstune, kolen dau an i wasta kolendar, kai kamenn len te marell. Kol lurde o baro rajestar dran Babilonia, kai tumendar krik djan, an kolengre wasta dau len.

2. Rajengro liil 24:7

Un o baro rai pral o them Egiptia djas buder gar dran peskro them win. O baro rai pral o them Babilonia las leske halauter krik, hoi lo peske dren las: o tselo them mank o them Egiptia un o pani Eufrat.

Jeremia 37:7

Kowa penell o baro Dewel, kai o Israeleskro Dewel hi: Pen o baro rajeske dran o them Juda, kowa kai bitchras tumen pash mande, te putchenn man: Kol lurde o Faraestar, kai djan win dran pengro them, te wenn le ap tumari rig, kolla djan pale khere an o them Egiptia.

Jeremia 37:6

Un kote penas o baro Dewel ap peskro rakepaskro, o Jeremia:

Ezekiel 17:17

Un o Farao peskre bud lurdentsa well witar gar ap leskri rig, ap ko tsiro, kai hunte kurell lo pes. I Babilonarja wenna, un tchiwenn bud tchik pre win trul o foreskri massuri, te nai djan le koi pral ap o foreskri massuri pre. Un jon krenn turme, te denn le karje tele an o foro, jaake te marenn le bud menshen.