Jeremia 35:2 - O Debleskro Drom 2021 (Sinte)

² Dja pash i murshende dran o kheer Rechab, rake lentsa un an len an o baro Debleskro kheer. Dja kote lentsa an jek bari isema dren, un de len mool te pijell.

O Debleskro Lab 2024 (Sinte-Manouche)

² Dja pash i morshende dran o kheer Rekab, rake lentsa oun an len an o baro Debleskro kheer. Dja kote lentsa an yek bari isema dren, oun de len mool te piyell.

Jeremia 35:2 Referans Kwoze

1. Familjakro liil 2:55

Ko murshestar Salma wan ninna kol tchinepangre, kai tchinan an lila, hoi djas an o them. Jon djiwan an o foro Jabez. Kolla his i Tirarja, i Shimatarja, i Sucharja. Kolla hi i Kenarja, un wan pal o Hammat. Kowa his o phuro dad kolendar dran o kheer Rechab.

Ezekiel 40:16

Un an i tikne iseme, hoi his ap kol dui rigja, his tikne wochja an kol winstune massurja. Ninna an i wudareskri halla his wochja ap lakre dui rigja. Un dren an kol massurja his palmtikre ruka dren dino.

Jeremia 35:8

Jaake shunam ap o rakepen maro dadestar Jonadab an halauter, hoi job menge penas, te pijas kek mool maro tselo djipen, mer gar, mare romja witar gar, un mare tchawe un tcha witar gar.

Jeremia 35:4

un anom len an o baro Debleskro kheer, an koi bari isema i tchawendar o Debleskro murshestar, o Hanan, koleskro dad o Jigdalja his. Koi bari isema hi langs koi isema o pralstunendar un pral koi isema o Maasejestar, koleskro dad o Shallum hi. O Maaseja his kowa, kai das garda ap o wudar.

Nehemia 13:5

Koles das lo ko baro kheer, kai glan kowa o djob tchiddo his, hoi o Debleske chatchedo was, ninna o sungepaskro koowa un kol tsele koola, hoi i budjake koi his, un ninna o djob un i mool, un o djet, hoi o deshto kotar kolestar his, hoi ap i Israelengri phub bares was. Kowa lauter his i Levitarenge un i gipangrenge un kolenge, kai ap o foreskre wudja jak dan un ninna i rashajenge.

Esra 8:29

Denn mishto jak koi pre, bis te wan an Jerusalem an o baro Debleskro kheer. Kote tchiwenn tumer kowa lauter ap i waga, un denn les an i wasta i pralstune rashajendar un i Levitarendar un i pralstunendar i familjendar an Israel.”

2. Familjakro liil 31:11

Kote penas o baro rai, o Hiskija, te wenn bare iseme kerdo an o baro Debleskro kheer. Un jon kran les jaake.

2. Familjakro liil 3:9

Un i paash kilogrammi sonakai lan le, te krenn le nagle. Ninna i pralstune iseme wan pral-maklo o sonakajeha.

1. Familjakro liil 23:28

Jon te wenn o Aroneskre tchawende pash o wast, pash i budi an o baro Debleskro kheer, ap kol glanstune platse, un an i iseme. Jon hunte krenn ko tselo koowa djudjo, hoi o Debleske hi, un ninna wawar budi an o Debleskro kheer.

1. Familjakro liil 9:33

I menshendar dran o kheer Levi, his ninna sawe koi, kai his gipangre. Lengre familjakre pralstune djiwan an i iseme pash o Debleskro plachteno kheer. Diwes un rati his le an pengri budi.

1. Rajengro liil 6:10

Koi rigjakri isema djas trul o tselo kheer. Fun tel bis pash o mashkralstunepen his li dui-te-paash metarja baro. Un fun o mashkralstunepen bis pral his li ninna dui-te-paash metarja baro. Un zedertikre kashtentsa his li pandlo ap o kheer.

1. Rajengro liil 6:8

Ap i tchatchi rig o kherestar his i wudar an i rigjakri isema. Kote djas i treppa pre an i isema koi pral, un kotar dureder an koi pralstuni isema.

Jeremia 35:3

Koi djom me, o Jeremia, pash o Jaasanja, koleskro dad o Jirmeja his, koleskro dad o Habazzinja his, un lom les khetne leskre phralentsa un leskre tsele tchawen, un halauteren dran i familja Rechab,

1. Familjakro liil 28:12

Koi pashel das o David les kol lila, kai pre tchinlo hi, hoi leske an o shero trujel djas, har ko wawar koowa win dikell: kol glanstune platse un kol iseme, hoi trul o kheer wenn, kai well o brawlepen pre garedo, un ko kutch koowa, hoi i menshe o Debleske denna.