Jeremia 34:3 - O Debleskro Drom 2021 (Sinte)

³ Un ninna tu nai nasheh gar glan leskro wast krik. Na-a tu weh tapedo un an leskro wast dino. Tu dikeh les tire jakentsa un rakreh leha mui ap mui. Un palle weh an o them Babilonia anlo.

O Debleskro Lab 2024 (Sinte-Manouche)

³ Oun ninna tou nay nasheh gar glan leskro vast krik. Na-a tou veh tapedo oun an leskro vast dino. Tou dikeh les tire yakentsa oun rakreh leha mouy ap mouy. Oun palle veh an o them Babilonia anlo.

Jeremia 34:3 Referans Kwoze

Jeremia 32:4

un o Zedekja nai nashell gar peske glan i lurdende dran o them Babilonia. Me kamau les an o wast o baro rajestar dran o them Babilonia te dell, te nai rakrell lo leha mui ap mui, un te dikell lo les peskre jakentsa.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 34:21

Ninna o Zedekja, ko rai pral o them Juda, un leskre pralstune, kolen dau an i wasta kolendar, kai kamenn len te marell. Kol lurde o baro rajestar dran Babilonia, kai tumendar krik djan, an kolengre wasta dau len.

Ezekiel 21:25

Ko jek djal an o foro Rabba, kai i Ammonarja djiwenn, ko wawar an o sorelo foro Jerusalem an o them Juda. Jaake sikreh tu kol dromma, ap kolende o baro rai nai well peskre lurdentsa.

Ezekiel 12:13

Me, o baro Dewel, witsrau miri netsa pral leste win, te well lo tapedo an mire dorja. Un pandles well lo an o them anlo, kai i Babilonarja djiwenn. Ko them nai dikell lo gar. Un kote merell lo.

Jeremia 38:18

Te djah tu gar win pash o pralstunende o baro rajestar dran o them Babilonia, palle dau kau foro an lengro wast. Un jon chatchrenn kau fores pre. Un tu nai nasheh witar gar lendar krik.

Jeremia 37:17

I diwes was, kai mukas o baro rai Zedekja les tchorchanes pash peste te anell, un putchas lestar: Hi tut i lab o baro Deblestar? Un o Jeremia penas: Awa, man hi i lab tuke: Tu weh an o wast o baro rajestar dran o them Babilonia dino.

Jeremia 27:22

Kowa lauter well krik anlo an o them Babilonia, un atchell kote, bis ap ko diwes, kai me pal kowa dikau, un mukau les pale pale kate te anell. Kowa penell o baro Dewel.

Jeremia 32:3

Glan i tsiro stilas les o baro rai pral o them Juda, o Zedekja, doleske, kai penas o Jeremia glan-wi: Kowa penell o baro Dewel: Me dau kau foro an o wast o baro rajestar dran o them Babilonia, un job lell ko foro peske dren,

Jeremia 32:28

Doleske penau: Tchatcho hi, me dau kau foro an o wast i lurdendar dran o them Babilonia un an o wast lengro baro rajestar, o Nebukadnezar. Job well pral kau foro un lell les peske dren.

Jeremia 34:4

Zedekja, tu kai hal rai pral o them Juda, shun ap o baro Debleskro lab! Kawa penell o baro Dewel pral tute: Tu te meress gar o chareha,

Ezekiel 17:15

I tsiro koi pre hadas pes o rai o themestar Juda, un bitchras murshen an o them Egiptia, te bitchrenn le leske graja un lurden. Djal kowa mishto? Lell jek, kai sawo koowa krell, kek phagi? Nai phagell lo peskri sowel, un lell kek phagi?

Jeremia 38:23

Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

Ezekiel 17:16

Me dau man sowel pash miro djipen, penell o baro Dewel, maro rai: Ko rai pral Juda phagas peskri sowel, un rikras gar dren, hoi lo o baro rajeha dran o them Babilonia win kras, koleha, kai les rai kras. Doleske merell lo an koleskro foro – mashkral an Babilon.