Jeremia 33:7 - O Debleskro Drom 2021 (Sinte)

⁷ Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

O Debleskro Lab 2024 (Sinte-Manouche)

⁷ Ava, me krau te vell pale lauter mishto i menshenge Youda oun Israel, oun krau kal themma pale yaake zorelo, har his le glan kova.

Jeremia 33:7 Referans Kwoze

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Jesaja 1:26

Me dau tut pale tchatchepangre murshen un rakepangren, kai o tchatchepen win krenn, jaake har an i phure tsirja his. Un palle kharenn le tut ‘tchatchepaskro foro’ un ‘foro kolendar, kai ap o Debleste patsenna.’

Jeremia 32:44

Awa, kotja them wenn ginlo, un ginepaskre lila wenn tchinlo. Kal lila wenn pandlo un i sikepen pre-tchiddo, un mursha hi kote pashel, te well lauter tchatches kerdo. Kowa lauter well jaake kerdo an o them Benjamin, an i gaba trul o foro Jerusalem, an wawar forja an o them Juda, ninna an i forja ap i bare un tikne berge, un an i forja an o them Negev. Me krau, te well pale lauter mishto mire menshenge, penell o baro Dewel.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 29:14

palle mukau man tumendar te hatsell, penell o baro Dewel. Un me lau tumen dran tumaro pandepen win, un anau tumen khetne dran i tsele menshende un themma, kai tradom tumen, penell o baro Dewel. Un me anau tumen pale an kau them, kai mukom tumen krik te anell.

Jeremia 42:10

Te atchenn tumer an kau them, palle mukau me tumen pale bares te well, un me phagau tumen gar khetne; me krau tumen soreles, un tradau tumen gar win dran o them; man khaitell, kai hunte anom sawi bibacht pral tumende.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Jeremia 31:28

Jaake har garda dom, te wan le win tserdedo un khetne phagedo, paash kerdo, un tele dino un dukedo, jaake dau palle garda, te wenn le pale bares un soreles, penell o baro Dewel.

Jeremia 30:20

Tumer Jakobeskre tchawe han pale, har hans an o phuro tsiro: i natsjona, hoi soreles tardo hi glan mande; me dau lauteren i phagi, kai kamenn tumen tele te rikrell.

Jeremia 30:18

Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

Jeremia 24:6

Ap lende dikau latches, un anau len pale pale an kau them. Un mukau len pale bares te well, un krau len gar paash, krau len pale soreles, un tradau len buder gar dran lengro them win.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Debleskri gili 126:4

Baro Dewel, an pale lauteren mendar, kai pandle hi, jaake har tu aneh kol tikne panja pale, an o them, kai o kham pralstunes hi.

Debleskri gili 85:1

I gili jekestar dran i familja Korach. Kai gili hi o rajeske pral i gipangre.

Debleskri gili 14:7

Har kamaus me, te wals kowa koi berga Zion tele, kai lell o Israel win dran i bibacht! Awa, har kamaus me, te anell o baro Dewel peskre pandle menshen pale! Palle stenna o Jakobeskre tchawe i bachtjatar, awa, o tselo Israel well bachtelo.

Zakarie 1:17

De pale gole: Kowa penell o baro Dewel, ko rai pral o bolepen un i phub: “An mire forja well pale budeder har doha latchepen. Un o baro Dewel rakrell pale latche laba ap i menshende ap i berga Zion. Un o foro Jerusalem well pale leskro wi-rodedo foro.”

Zefanja 3:20

An ko tsiro anau tumen khere. un anau tumen khetne. An ko tsiro dikenn tumer: Me krau, te well tumenge pale lauter mishto. Me krau tumen bares un an-dikles an i tsele themma ap kai phub. Kowa penell o baro Dewel.

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Debleskri gili 126:1

I gili te giwell ap o drom an Jerusalem. Har anas men o baro Dewel pale pash i berga Zion, hams mer har sawe, hoi suni denna.

Jeremia 31:38

Dik, penell o baro Dewel, o tsiro well, kai well o baro Debleskro foro Jerusalem newes kerdo. Leskri massuri djal fun ko turmo Hananel bis ap o wudar, kai i rigja khetne wenn;

Jeremia 50:4

An kol diwessa un ap ko emligo tsiro, penell o baro Dewel, wenn kol menshe dran o them Israel, khetne kol menshentsa dran o them Juda un djan trujel o ropah, un rodenn man, pengro Debles.

Ropaskre gilja 4:22

Tumer an o foro Zion, palle hi tumari doosh tumendar krik lino! O baro Dewel mukell tumen buder gar pandles krik te anell. Palle anell job tumari doosh, tumer Edomarja, ap tumare sherja pale, un tchakrell ko tchilatcho koowa pre, hoi kran.

Ezekiel 39:25

Kanna krau, penell o baro Dewel, maro rai, te well lauter pale mishto o Jakobeske, un krau miro dji pre o tselo khereske Israel. Miro tselo djijeha krau, te well buder gar djungeles rakedo pral mande.

Jesaja 52:8

Shunenn, hoi kol mursha gole denn, kai jak denn ap o foro! Jon halauter denn gole i bachtjatar. Pengre jakentsa dikenn le, har o baro Dewel an o foro Zion pale well.