Jeremia 33:11 - O Debleskro Drom 2021 (Sinte)

¹¹ kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

O Debleskro Lab 2024 (Sinte-Manouche)

¹¹ kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Jeremia 33:11 Referans Kwoze

1. Familjakro liil 16:34

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

Debleskri gili 107:22

Ninna hunte anenn le leske shukar koowa, te parkrenn le pen pash leste. Un i bachtelo djijeha hunte rakrenn le kolestar, hoi job lenge kras.

Debleskri gili 107:1

Sharenn o baro Debles. Job hi latcho. Leskro latchepen atchell hako tsireske.

Debleskri gili 106:1

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

Hebrearja 13:15

Dran kowa parkras men pash o Debleste, sharas les hako tsiro, un kras o Jesuseskro lab bares.

Jesaja 51:11

Kolen o baro Dewel dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

2. Familjakro liil 29:31

Palle penas o Hiskija ap i menshende: “Kanna han djudjo o baro Debleske. Awenn un anenn tumare viechen, kolentsa parkrenn tumen pash o baro Debleste!” Un jon anan viechen, te parkrenn le pen pash leste. Un hakeno, kai kamas budeder te dell, anas sawe viechen, kai wan tseles chatchedo o baro Debleske.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

1. Familjakro liil 16:8

Parkrenn tumen pash o baro Debleste, un hadenn leskro lab! Penenn i menshenge an wawar themma kowa, hoi job kras!

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Zefanja 3:14

Awenn bachteles, tumer Israelitarja! Denn gole i bachtjatar, tumer ap i berga Zion! Giwenn un khelenn o tselo djijestar, tumer an o foro Jerusalem!

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Debleskri gili 116:17

Pash tute kamau me man te parkrell, un tut an-mangell.

2. Familjakro liil 7:3

Un i tsele Israelitarja dikan, har i jag dran o bolepen peras un o baro Debleskro railepen ap o kheer his. Un jon djan ap pengre tchanga pengro mujeha ap i barra ap i phub, un mangan les an, un sharan o baro Debles kal labentsa: “Job hi kamlo, un leskro latchepen hi hako tsiro menge koi.”

Zakarie 10:7

Un i mursha dran o kheer Efrajim hi palle sorelo har bare kurepangre, un bachtelo har kolla, kai pijan mool. Lengre tchawe dikenn kowa un denn gole i bachtjatar. Lengro dji giwell dran kowa, hoi o baro Dewel kras.

Zakarie 9:17

Awa, har railo un shukar well kowa! I tchawe wenn sorele terne mursha un djuwja, jaake bud djob un mool hi koi.

Jona 2:9

Kolla kai rikrenn pen ap tchitcheskro koowa, rikrenn pen buder gar ap tute.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Jeremia 25:10

Me krau, te dell buder kek bachtelo gipen. Un koi bachteli gole o pirnestar un i pirnjatar shunenn buder gar. Witar gar shunenn tumer, har i djuwja djob tiknes krenna mank dui barra. Un kek momeli chatchell an tumare khera.

Jeremia 16:9

O baro Dewel, ko rai pral o bolepen un i phub, kai ninna o Israeleskro Dewel hi, penell: Me mukau o tsiro te well, kai khelell un giwell kek buder i bachtjatar an o them Juda. I bachteli gole o pirnestar un leskri pirnjatar shunenn buder gar. Kowa well glan tumare jaka un jaake rah har djiwenna.

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Nehemia 8:12

Kote djan i tsele menshe koi, te chan le un pijenn le. Un jon bitchran pengro chapastar kolenge, kai len tchi his, un giwan un khelan i bachtjatar. Jon haiwan kol laba, hoi lenge penlo wan.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

2. Familjakro liil 20:21

Job rakras pes i menshentsa tele, un bitchras gipangre, te djan le glan i lurdende, an-rido an pengre shukar koola, un giwenn o baro Debleske koi gili: Parkrenn tumen pash o baro Debleste! Leskro latchepen hi an hako tsiro koi.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jeremia 17:26

Un menshe wenna dran kol forja o themestar Juda, un dran i gaba trul Jerusalem, un dran o them Benjamin un dran kol tikne un bare berge un dran o them Negev. Un jon anenn an o baro Debleskro kheer viechen chatchepaske un chapaske, djob un kutch sungepaskro koowa, un wawar koowa, koleha parkrenn le pen pash o baro Debleste.

Jeremia 30:19

Un i menshe, kai djiwenn kote, giwenn sharepaskre gilja, un denn gole i bachtjatar. Un me dau len bud tchawe, te wenn le budeder. Me krau len railes un bares un gar tikneder.

Jeremia 32:44

Awa, kotja them wenn ginlo, un ginepaskre lila wenn tchinlo. Kal lila wenn pandlo un i sikepen pre-tchiddo, un mursha hi kote pashel, te well lauter tchatches kerdo. Kowa lauter well jaake kerdo an o them Benjamin, an i gaba trul o foro Jerusalem, an wawar forja an o them Juda, ninna an i forja ap i bare un tikne berge, un an i forja an o them Negev. Me krau, te well pale lauter mishto mire menshenge, penell o baro Dewel.

Nahum 1:7

Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

Debleskri gili 85:7

Kameh men buder gar newi soor te dell, te wenn tire menshe pale bachtelo pral tute?

Debleskri gili 147:13

Kol bare foreskre wudja krell lo soreles, un ap tumare tchawende tchiwas lo peskri bacht.

Jesaja 52:8

Shunenn, hoi kol mursha gole denn, kai jak denn ap o foro! Jon halauter denn gole i bachtjatar. Pengre jakentsa dikenn le, har o baro Dewel an o foro Zion pale well.

Jeremia 29:14

palle mukau man tumendar te hatsell, penell o baro Dewel. Un me lau tumen dran tumaro pandepen win, un anau tumen khetne dran i tsele menshende un themma, kai tradom tumen, penell o baro Dewel. Un me anau tumen pale an kau them, kai mukom tumen krik te anell.

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Amos 9:14

Me anau mire menshen Israel pale an lengro them. Un jon krenn i tele-phagede forja pale newes, un djiwenn koi dren, un tchiwenn drakengre ruka an i phub, un pijenn lengri mool, tchiwenn ruka an i phub un chan lengre rukengre.