Jeremia 32:4 - O Debleskro Drom 2021 (Sinte)

⁴ un o Zedekja nai nashell gar peske glan i lurdende dran o them Babilonia. Me kamau les an o wast o baro rajestar dran o them Babilonia te dell, te nai rakrell lo leha mui ap mui, un te dikell lo les peskre jakentsa.

O Debleskro Lab 2024 (Sinte-Manouche)

⁴ oun o Sedekya nay nashell gar peske glan i lourdende dran o them Babilonia. Me kamau les an o vast o baro rayestar dran o them Babilonia te dell, te nay rakrell lo leha mouy ap mouy, oun te dikell lo les peskre yakentsa.

Jeremia 32:4 Referans Kwoze

Jeremia 38:23

Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

Jeremia 38:18

Te djah tu gar win pash o pralstunende o baro rajestar dran o them Babilonia, palle dau kau foro an lengro wast. Un jon chatchrenn kau fores pre. Un tu nai nasheh witar gar lendar krik.

Jeremia 37:17

I diwes was, kai mukas o baro rai Zedekja les tchorchanes pash peste te anell, un putchas lestar: Hi tut i lab o baro Deblestar? Un o Jeremia penas: Awa, man hi i lab tuke: Tu weh an o wast o baro rajestar dran o them Babilonia dino.

Jeremia 34:3

Un ninna tu nai nasheh gar glan leskro wast krik. Na-a tu weh tapedo un an leskro wast dino. Tu dikeh les tire jakentsa un rakreh leha mui ap mui. Un palle weh an o them Babilonia anlo.

Jeremia 34:21

Ninna o Zedekja, ko rai pral o them Juda, un leskre pralstune, kolen dau an i wasta kolendar, kai kamenn len te marell. Kol lurde o baro rajestar dran Babilonia, kai tumendar krik djan, an kolengre wasta dau len.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 25:35

Tumer hatsenn kek platsa, kai nai khatrenn tumen. Kek tumendar nai nashell peske.