Jeremia 32:20 - O Debleskro Drom 2021 (Sinte)

²⁰ Tu sikral tiri bari soor un kral baro koowa, hoi kek wawar nai krella, har mare phure an o them Egiptia his bis ap kau diwes. Kowa kral tu ap i Israelitarja, un ap i wawar menshende ninna. Jaake was tiro lab prindjedo, har kau diwes hi.

O Debleskro Lab 2024 (Sinte-Manouche)

²⁰ Tou sikral tiri bari zoor oun kral baro koova, hoy kek vavar nay krella, har mare phoure an o them Egiptia his bis ap kava dives. Kova kral tou ap i Israelitarya, oun ap i vavar menshende ninna. Yaake vas tiro lab prindjedo, har kava dives hi.

Jeremia 32:20 Referans Kwoze

Nehemia 9:10

Un tu kral baro sorelo koowa, hoi kek wawar nai krell, ap o baro rajeste Farao un i pralstunende un i tsele menshende leskro themestar, har dikal, te rikran le mare phuren tele. Un jaake kral tiro lab bares, jaake har kowa kau diwes hi.

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

Daniel 9:15

Maro rai un Dewel, tu sikral tiri soor, har anal tire menshen win dran o them Egiptia, un kral tiro lab bares bis kau diwes. Mer anam doosh ap mende. Mer kram tchilatcho koowa.

Debleskri gili 135:9

un sikras baro koowa un peskri bari soor ap tute, Egiptia, un ap tiro baro rai un leskre tsele budepangre.

2. Samuel 7:23

Un kai hi menshe ap i phub har tire menshe Israel? Kolenge djal tu koi, te less len dran o pandepen win, te wenn le tire menshe. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen lengre deblentsa win glan tire menshende, kai tu win lal dran Egiptia, te wenn le tire.

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

2. Mose 9:16

Me mukom tut doleske djido, te dikess miri bari soor, un te rakrenn le mandar ap i tseli phub.

Jesaja 63:12

Kai hi kowa, kai peskri bari sorjah ap o Moseskri tchatchi rig was? – Kowa, kai kras, te djal ko pani glan lende ap dui rigja, un peske jaake i baro lab kras, hoi an kek tsiro bistedo well.

1. Familjakro liil 17:21

Un kai hi menshe ap i phub har tire menshe Israel? Kolenge djal tu koi, te less len dran o pandepen win. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen win glan tire menshende, kai tu win lal dran Egiptia.

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

5. Mose 6:22

Un o baro Dewel kras baro un sorelo koowa, hoi kek wawar nai krell un anas bari bibacht pral i Egiptarja un pral o baro rajeste un koleskro tselo kheer. Kowa dikam mare jakentsa.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

2. Mose 7:3

Me kamau leskro dji har i bar te krell, jaake te nai krap bud baro koowa an o tselo them Egiptia, te sikrap miri bari soor.

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

Jesaja 63:14

Har grumja, kai djan i berga tele, te hatsenn le senlepen, jaake anas o baro Dewel peskre menshen kote, kai len doha djipaske his. Awa, baro Dewel, jaake anal tu len pengro drom, un kral tuke i railo lab.

Jeremia 13:11

Jaake har i mursh ko pandepen trul peste pandella, jaake pandom me kol tsele menshen dran Israel un kol tsele menshen dran Juda trul mande, te wenn jon mire menshe. Kamom, te wap dran lende sharedo un miro lab bares un prindjedo well; jon kaman gar ap mande shunell, penell o baro Dewel.

5. Mose 11:3

Sawo baro koowa, hoi kek wawar nai krella, kras job ap i Egiptarjen, ap o Faraeste, ko rajeste pral o them Egiptia, un ap leskro tselo them,

Nehemia 9:11

Tu dal o baro pani, jaake te djas lo ap dui rigja krik, un i drom koi his, kai nai djan tire menshe mashkral ko baro pani ap i wawar rig. Kolla, kai tire menshe palla lan, tassan un djan tele har barra an o telstuno pani.

Daniel 6:28

Job nai lell jekes dran o merepen win, an hawi bibacht kowa ninna hi. An o bolepen un ap i phub, krell lo baro sorelo koowa, hoi kek wawar nai krella. O Danieles las job dran i lewengre muja win, jaake te nai dukran le les gar.