Jeremia 32:10 - O Debleskro Drom 2021 (Sinte)

^10-11 Un me tchinom i ginepaskro liil, un tchinom les jek kopo tele. Un ko jek liil pandom, un tchiwom miro sikepen koi pre, un lom mange murshen pashel, kai dikan halauter, un tchiwom kol lowe ap i waga, te well kowa lauter pal o tchatchepen kerdo. Un me lom ko pandlo ginepaskro liil, un ko liil, hoi gar pandlo hi,

O Debleskro Lab 2024 (Sinte-Manouche)

^10-11 Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Jeremia 32:10 Referans Kwoze

Jeremia 32:44

Awa, kotja them wenn ginlo, un ginepaskre lila wenn tchinlo. Kal lila wenn pandlo un i sikepen pre-tchiddo, un mursha hi kote pashel, te well lauter tchatches kerdo. Kowa lauter well jaake kerdo an o them Benjamin, an i gaba trul o foro Jerusalem, an wawar forja an o them Juda, ninna an i forja ap i bare un tikne berge, un an i forja an o them Negev. Me krau, te well pale lauter mishto mire menshenge, penell o baro Dewel.

Jeremia 32:12

un dom hake dui lila o mursheste Baruch. Koleskro dad his o Nerija, koleskro dad his o Machseja. Koi pashel his miro nebudo, o Hanamel, un kol mursha kai kowa halauter dikan, un kai tel o ginepaskro liil pengro labeha tardo his, ninna i tsele mursha dran Juda, kai ap i lurdengri platsa his.

Jeremia 32:25

Un tu, baro Dewel, miro rai, peneh ap mande: ‘Gin tuke i kotar them, un plaisse kol lowe, te well lo tute! Un le murshen pashel, te dikenn le halauter, har tu gineh ko kotar them.’ Kowa penal, ninna te well kau foro an o wast i menshendar dran o them Babilonia dino!

Jesaja 44:5

Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Hiob 14:17

Ko tchilatchepen, hoi krom, pandals khetne har an i possita. Koi doosh, hoi ap mande lom, tchakrals tu, te well li buder gar diklo.

5. Mose 32:34

O baro Dewel bistrell gar, hoi kolla kran, un djinell, hoi kamell lo lentsa te krell.

Debleskro tsiro 9:4

Un lenge was penlo, te dukrenn le gar o senlepen ap i phub, witar gar i ruka. Jon hunte dukrenn kol menshen kokres, kai kek Debleskro sikepen glan ap lengre shere hi.

Debleskro tsiro 7:2

Un me dikom i wawar bolepaskres. Kowa was kol rigjatar, kai o kham pre djala. Un job kras i sikepen ap kolende, kai o djido Debleske koi hi. Un job das soreles gole ap kol star bolepangre, kolen i soor dino was, te dukrenn le i phub un o baro pani.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

2. Korintarja 1:22

un das men peskro Ducho. Ko Ducho, hoi an mende hi, sikrell men, kai ham leskro. Doleske djinah, job dell men gomme bud bareder latcho koowa an ko tsiro, hoi wella.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Johanni 3:33

Koon patsell ap leste, kowa sikrell jaake, kai halauter tchatcho hi, hoi o Dewel penella.

Daniel 8:26

Un kau dikepen, hoi dikal, un kowa hoi tuke penlo was pral kol viechende, hoi o Debleske buder gar haki rati un haki tsalla anlo wan, kowa hi o tchatchepen. Hi gomme i rah tsiro, bis te kowa jaake wella. Doleske rike les khatedo un ma rake kolestar!”

Jesaja 30:8

Mange penas o baro Dewel: Dja tu kanna koi, un tchin kal laba an i bar glan i jaka kal menshendar, awa, tchin len an i liil, te wenn le i sikepen, hoi atchell o tsireske, hoi wella.

Kamlepaskri gili 8:6

Tchin miro lab ap tiro dji! Muk man har i gustri ap tiro wast te well! Te kamenn pen dui, hi lengro kamlepen soreles har o merepen, un rikrell len pandles har o mulengro them. Len hi i dji jek o wawareske, hoi chatchell soreles har i jag o baro Deblestar.

Josua 18:9

Jaake djan kol mursha koi, un djan an o tselo them trujel, tchinan i tsele forja an i liil, un kran efta kotja kau themestar. Un palle wan le pale pash o Josua ap koi platsa, kai i Israelitarja his pash o foro Shilo.

Mateo 27:66

Un jon djan pash o mulengro kheer, un kran i sikepen ap ko bar, te dikenn le, te las jek o bar krik. Un kol lurde dan jak ap ko mulengro kheer.

1. Mose 23:16

Un o Abraham das o Efrones kol lowe, hoi jon glan i Hetarja win kran: star-sheel rupene beme. Jek bema his jaake pharo har jek bema pash i parepangre pharo his.

1. Mose 23:20

Jaake bikran i Hetarja ko kotar them un koi grotta o Abrahameske, te well kote i mulengro kheer peskri familjake.

Ruth 4:1

Un o Boas djas pre pash o foreskro wudar, kai i mursha khetne wenn, un beshas pes koi. Kote was ko wawar mursh, kai lake ninna koi hunte wals, kolestar o Boas rakras. Un o Boas penas ap leste: “Ab kai pash mande, un besh tut pash mande!” Un job was un beshas pes pash leste.