Jeremia 31:5 - O Debleskro Drom 2021 (Sinte)

⁵ Tu tchiweh pale drakengre ruka an i phub ap i berge an Samaria, un chah lengre drake.

O Debleskro Lab 2024 (Sinte-Manouche)

⁵ Tou čiveh pale drakengre rouka an i phoub ap i berge an Samaria, oun rhah lengre drake.

Jeremia 31:5 Referans Kwoze

Amos 9:14

Me anau mire menshen Israel pale an lengro them. Un jon krenn i tele-phagede forja pale newes, un djiwenn koi dren, un tchiwenn drakengre ruka an i phub, un pijenn lengri mool, tchiwenn ruka an i phub un chan lengre rukengre.

5. Mose 28:30

Kowa mank tumende, kai putchas i terni tchai, te romedinerell li les, dikell, har i wawar mursh well un lell lat peske. Kowa, kai tchiwas peske i kheer pre, nai djiwell gar dren. Kowa, kai tchiwas drakengre ruka an i phub, nai chal gar lengre drake.

Micha 4:4

Hakeno nai beshell tel peskre drakengre ruka un faigetikre ruka. Un kek krell leske traash. Kawa penell o baro Dewel, ko rai pral o bolepen un i phub.

Zakarie 3:10

An ko emligo tsiro, mukell jek o wawares te penell: Am pash mande, te was mer bachtelo tel i drakengre ruka un tel i faigetikre ruka. Kowa penell o baro Dewel, ko rai pral o bolepen un i phub.

Obadja 1:19

Un i menshe dran o kheer Juda, kolla kai djiwenn an o them, kai o kham pralstunes hi, jon lenn kol berge dren, kai i Edomarja djiwenn. Un kolla, kai djiwenn kote, kai o kham tele djal, jon lenn o them dren, kai i Filistarja djiwenn. Un kol wawar lenn i themma Efrajim un Samaria penge dren. Un o kheer Benjamin lell o them Gilead dren.

Ezekiel 36:8

Tumer berge Israel, ap tumende wenn pale ruka baro un senelo, un hidjrenn rukengre mire menshenge Israel. Sik well ko tsiro, kai wenn le pale khere.

1. Samuel 21:5

Un o rashai penas ap o David: “Man hi kek maro, kokres ko maro, hoi o Debleske hi. Kowa nai dau tumende, te tapran kol mursha, kai pash tute hi, kek djuwjat an!”

5. Mose 20:6

Hi mank tumende jek, kai drakengre ruka an i phub tchiwas, un las gomme kek drake dren? Kowa hunte djal pale an peskro kheer, te merell lo gar an o kurepen, un i wawar mursh lell kol drake.

Debleskri gili 107:37

un tchiwan djob an i phub, ninna drakengre ruka, un anan bud chapen dren.

Jeremia 32:15

O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.

Micha 1:6

Doleske krell o baro Dewel, te well o foro Samaria khetne dino bis ap i telstune barra. Lestar atchell tchi pral har barra. Kolen witsrell lo an i tala. Kote kai o foro tardo his, wenn drakengre ruka an i phub tchiddo.