Jeremia 31:4 - O Debleskro Drom 2021 (Sinte)

⁴ Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

O Debleskro Lab 2024 (Sinte-Manouche)

⁴ Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 31:4 Referans Kwoze

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Jeremia 31:13

I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Amos 5:2

Koi terni tchai Israel peras, te stell li buder gar pre. Muklo hi li tchiddi ap i phub, un kek hi koi, kai hadell lat pre.

Bičepangre 15:16

Pal kowa wau me pale pash tumende, te krap o Davideskro kheer pale newes, kowa, hoi khetne peras.

Debleskri gili 149:3

Sharenn leskro lab an tumaro khelepen! Bashrenn leske ap i pauka un i harfa!

Louka 15:23

Anenn i terni thulli grumni! Marenn lat, te chas un was bachtelo!

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

2. Rajengro liil 19:21

Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

Ropaskre gilja 1:15

O baro Dewel stakras mire sorele kurepangren khetne, kai pash mande his; Job mukas i marepaskro chapen win te kharell, te nai wenn mare terne mursha maredo. Jaake har drake khetne stakedo wenn, te well i mool win, stakras lo i menshen dran Juda khetne.

Jeremia 31:21

Tu terni tchai Israel, muk tuke an o shero te well, hawo drom tu djal, har djal an o pandepen. Ap kau drom djas pale khere an tire forja! Tchip barra pre pash o drom, hoi sikrenn tute, har te djas!

Jeremia 18:13

Doleske penell o baro Dewel: Putchenn i menshendar an wawar themma: Kai das sawo djungelo koowa, har kol menshe dran Israel kran?

Jeremia 1:10

Dik kai! Me dau tut kai diwes penepaske pral bud menshende un themma, te tradess len win, phagess len khetne, dess len tele un kress len paash, un mukess len pale bares te well, un kress len soreles.

Debleskri gili 69:35

O bolepen un i phub sharenn les! Ninna i bare panja un halauter, hoi dren djiwell.

Debleskri gili 51:18

Vieche, hoi anenn le tuke, kameh gar. Te wals jaake, doms len tute. Vieche, hoi tuke chatchedo wenna, krenn tiro dji gar bachtelo.

Čačepangre 11:34

Un o Jefta was pale an Mizpa pash peskro kheer. Un kote was leskri tchai win, un was bashepah un khelepah pash leste. Joi his lauter, hoi les his. Les his kek wawar tchai, witar kek wawar tchawo.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jesaja 37:22

Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

Debleskri gili 30:11

Shun, baro Dewel, un ab mange latcho! Ab ap miri rig, miro baro Dewel!”

Jesaja 30:32

Un pash haki dap, hoi o baro Dewel ko kashteha ap lende tele dell, dell bashepen ap i tikne pauke un harfe. Jaake dell lo len trad un kurell pes lentsa an o kurepen.

Jeremia 24:6

Ap lende dikau latches, un anau len pale pale an kau them. Un mukau len pale bares te well, un krau len gar paash, krau len pale soreles, un tradau len buder gar dran lengro them win.

Jeremia 31:38

Dik, penell o baro Dewel, o tsiro well, kai well o baro Debleskro foro Jerusalem newes kerdo. Leskri massuri djal fun ko turmo Hananel bis ap o wudar, kai i rigja khetne wenn;

Jeremia 46:11

Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.