Jeremia 30:5 - O Debleskro Drom 2021 (Sinte)

⁵ Job penas: Mer shunah i gole i trashatar; kokres i daar hi koi un kek latchepen.

O Debleskro Lab 2024 (Sinte-Manouche)

⁵ Yob penas: Mer shounah i gole i trashatar; kokres i daar hi koy oun kek lačepen.

Jeremia 30:5 Referans Kwoze

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Jesaja 5:30

Un an ko tsiro well pral lende i bari gole, sawi gole har o baro pani krell. Un te dikell jek palle tele ap i phub, dikell lo kalepen un bare duka. Un pesse wolke krenn, te well o diwes tamlo.

Jeremia 46:5

Hoi dikau me kote? putchell o baro Dewel. Len hi traash, kol lurde, un tserdenn pen pale! Ninna i sorele kurepangre wenn dino. Hakeno nashell jaake sik har djala, un dikell buder gar pal peste!

Jeremia 25:36

Shunenn, har denn i pralstune gole! Shunenn, har rowenn le! O baro Dewel krell lengro latcho them paash.

Jeremia 9:19

Shunenn, tumer djuwja, o baro Debleskro rakepen! Denn garda ap leskre laba! Sikrenn tumare tchende, har te giwenn le koi ropaskri gili; jek te anell i wawarat kai gili pashel:

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Jesaja 59:11

Har pandle diwje vieche dah gole i dukatar, un rowah har i taube. Mare djia nashenn pal ko diwes, kai well menge o Dewel ap i rig, un lell men win dran i tchilatche wasta. Job well gar, un tchi djala.

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Jeremia 12:12

Pral ko nango pralstuno them wenn kol kurepangre, kai denn lauter khetne. O baro Dewel anas len kai, te kurenn le pen i menshentsa an o tselo them, jek rigjatar bis ap i wawar. Un kek nai nashell peske lendar.

Jeremia 30:4

Un kalla hi kol laba, hoi o baro Dewel rakras pral i menshende dran Israel un dran Juda.

Jeremia 6:22

Kowa penell o baro Dewel: Denn garda: Bud menshe wenna dran lengro them, hoi kote tchiddo hi, kai norden hi. Awa, bud menshe krenn pen ap o drom an ko dur them, te djan le an o kurepen.

Jeremia 6:26

Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

Habakuk 1:6

Me krau te wenn i Babilonarja soreles, kol tchilatche un sik kurepangre. Pral i tseli phub wenn le, de lenn le penge wawar themma dren hoi gar lengro his.

Habakuk 1:10

Jon sanenn pral i bare rajende un pralstunende an wawar themma. Kol tsele forja, kai sorele massurja trul lende tardo hi, hi lenge har tchitcheske; jon tchiwenn tchik pre glan i massurja, un djan pral wergel, un lenn kol forja dren.