Jeremia 30:20 - O Debleskro Drom 2021 (Sinte)

²⁰ Tumer Jakobeskre tchawe han pale, har hans an o phuro tsiro: i natsjona, hoi soreles tardo hi glan mande; me dau lauteren i phagi, kai kamenn tumen tele te rikrell.

O Debleskro Lab 2024 (Sinte-Manouche)

²⁰ T'mer Yakobeskre čave han pale, har hans an o phouro tsiro: i natsyona, hoy zoreles tardo hi glan mande; me dau lauteren i phagi, kay kamenn t'men tele te rikrell.

Jeremia 30:20 Referans Kwoze

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

Jeremia 2:3

An ko tsiro hals mange kokres koi, jaake har o newo djob mange hi. Koon tut an-tapras, anas doosh ap peste, un i bibacht was pral leste. Kowa penell o baro Dewel.

Jesaja 51:22

Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Debleskri gili 102:28

Tu atcheh jaake har tu hal, un djiweh hako tsiro.

Debleskri gili 102:18

Job shunell o mangepen kolendar, hoi muklo wan. Ap lengro mangepen dikell job latches.

Jeremia 30:16

Tu hunte djiness, kolla lauter, kai chan tut, wenn ninna chalo. Un lauter, kai kran tut daar, wenn pandles krik anlo. Un kolla, kai tchoran tiro koowa, wenn ninna win tchoredo. Un kolla, kai randan tut, wenn ninna randedo.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Zakarie 8:5

Un ap i dromma o forestar khelenn bud tchawe un tcha.”

Zakarie 10:8

Me kamau mire menshen gole te dell, awa, khetne gole te dell, te lap len win kotar, kai le pandle hi. Jon te wenn jaake bud har an o phuro tsiro.

Ropaskre gilja 5:21

An men, baro Dewel, pale pash tute, te was pale khere! Kre, te djal menge pale latches har an o phuro tsiro!

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.