Jeremia 30:18 - O Debleskro Drom 2021 (Sinte)

¹⁸ Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

O Debleskro Lab 2024 (Sinte-Manouche)

¹⁸ Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 30:18 Referans Kwoze

Debleskri gili 102:13

Tu, baro Dewel, atcheh hake tsirenge, tut denn le an-gole an ko tsiro, hoi wella.

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Jeremia 49:39

Pal i rah tsiro krau me, te well i menshenge dran o them Elam pale lauter mishto. Kowa penell o baro Dewel.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Zakarie 1:16

Doleske penell o baro Dewel: “Me krau miro dji pale pre pral i menshende an o foro Jerusalem. Kote te well miro kheer pale pre tardo, un o foro pale newes kerdo.”

Jeremia 46:27

Tu, miro budepaskro Jakob, ma traash! Tu, Israel, ma rob! I diwes well, kai anau tut khere dran wawar themma. Lau tire tchawen win dran ko them, kai le pandles anlo wan. O Jakobeskre tchawe wenn pale, un nai djiwenn pale kek kurepah un kek darjah. Kek te krell lenge traash.

Jeremia 49:6

Pal ko tsiro well jaake, te mukau i menshen dran o them Ammon pale pale te well. Kowa penell o baro Dewel.

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

Jeremia 29:14

palle mukau man tumendar te hatsell, penell o baro Dewel. Un me lau tumen dran tumaro pandepen win, un anau tumen khetne dran i tsele menshende un themma, kai tradom tumen, penell o baro Dewel. Un me anau tumen pale an kau them, kai mukom tumen krik te anell.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jeremia 31:38

Dik, penell o baro Dewel, o tsiro well, kai well o baro Debleskro foro Jerusalem newes kerdo. Leskri massuri djal fun ko turmo Hananel bis ap o wudar, kai i rigja khetne wenn;

Jeremia 31:23

Kowa penell o baro Dewel, ko rai pral o bolepen un i phub, kai o Israeleskro Dewel hi: “An ko tsiro, kai anau len pale dran kol themma, kai jon pandle his, penenn i menshe dran i forja an o them Juda: O baro Dewel mu tchiwell peskri bacht ap tute, tu them, kai o tchatchepen khere hi, un o Dewel ap peskri berga djiwell.

Zakarie 12:6

An ko tsiro krau, te wenn i pralstune an Juda har i jagakro tcharo mashkral an o weesh, un har i jag mank o phuss, hoi chatchell ap haki rig. Un jon chan kol tsele natsjone trujel pre. O foro Jerusalem atchell kai lo hi.”

Debleskri gili 78:69

Kote pre tchiwas lo peskro kheer, dur pral djal lo pre – har o bolepen, un hi soreles tardo har i phub, hoi lo kras hako tsireske.

Nehemia 7:4

O foro Jerusalem his baro un buchlo, un gar bud menshe djiwan kote, un kek khera his koi.

Debleskri gili 85:1

I gili jekestar dran i familja Korach. Kai gili hi o rajeske pral i gipangre.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Jeremia 31:40

Un koi tseli tala, kai i mule paskedo hi, un i jagakri tchik win tchoredo was, tele bis pash o pani Kidron, pral bis pash o grajengro wudar, hoi ap koi rig hi, kai o kham pre djal, koi tseli tala hi o baro Debleske. Un ko foro well buder gar tele phagedo un paash kerdo – an kek tsiro.

1. Familjakro liil 29:1

Un o baro rai, o David, penas ap i tsele menshende, kai kote khetne his: “O Dewel rodas jek mire tchawendar win, o Salomes: Job hi terno un djinell gomme gar, har te krell lo i kheer. Un i kheer maro Debleske te krell, hi i bari budi. Kowa well gar i kheer i mensheske, na-a, kowa well i kheer o baro Debleske.

Debleskri gili 48:3

Shukar hi o foro ap i berga Zion. I bacht hi i tseli phubjake. An kau foro hi o Dewel o baro rai.

Debleskri gili 48:13

Nashenn trul i berga Zion trujel! Dikenn, kitse bare turme koi hi!

Debleskri gili 122:7

Kek kurepen te well an tute! An tire shukar khera te well brawlepen!”

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 32:15

O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Ezekiel 36:11

Un me krau, te wenn i menshe un vieche bud ap tumende. Jon lenn bud tchawe. Un me krau te nai djiwenn i menshe kote jaake, har an i phure tsirja his. Un krau tumenge budeder latchepen har an kek tsiro glan kowa. Palle dikenn un haiwenn tumer, te hom me o baro Dewel.

Amos 9:14

Me anau mire menshen Israel pale an lengro them. Un jon krenn i tele-phagede forja pale newes, un djiwenn koi dren, un tchiwenn drakengre ruka an i phub, un pijenn lengri mool, tchiwenn ruka an i phub un chan lengre rukengre.

Zakarie 1:12

Koi penas o bolepaskro: “Baro Dewel, tu rai pral o bolepen un i phub, har rah kameh tu gar tiro dji pre te krell i menshenge an Jerusalem un an i wawar forja an o them Juda? 70 (efta-deesh) bersha hal chojedo pral lende.”

Zakarie 12:7

O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

Debleskri gili 102:14

Ste pre un ab pale kamles ap i menshende an o foro Zion. O tsiro was, te less lengri doosh lendar krik. Kanna hi o tchatcho tsiro kai.

Jeremia 32:44

Awa, kotja them wenn ginlo, un ginepaskre lila wenn tchinlo. Kal lila wenn pandlo un i sikepen pre-tchiddo, un mursha hi kote pashel, te well lauter tchatches kerdo. Kowa lauter well jaake kerdo an o them Benjamin, an i gaba trul o foro Jerusalem, an wawar forja an o them Juda, ninna an i forja ap i bare un tikne berge, un an i forja an o them Negev. Me krau, te well pale lauter mishto mire menshenge, penell o baro Dewel.