Jeremia 28:13 - O Debleskro Drom 2021 (Sinte)

¹³ “Dja pash o Hananja un pen leske: Kowa penell o baro Dewel: Tu phagal i kasht. Kanna well i saster kote, kai o kasht his.

O Debleskro Lab 2024 (Sinte-Manouche)

¹³ “Dja pash o Hananya oun pen leske: Kova penell o baro Devel: Tou phagal i kasht. Kanna vell i saster kote, kay o kasht his.

Jeremia 28:13 Referans Kwoze

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Jeremia 27:15

O baro Dewel penell lendar: Me bitchrom len gar. Jon penenn, te wenn lengre laba mandar. Kowa hi chochepen. Te patsenn tumer lenge, tradau tumen win, un tumer wenn maredo khetne kol chochene rakepangre.

Debleskri gili 149:8

Lengre bare rajen pandenn le an shelle, lengre pralstunen an sasterne shelle,

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

Debleskri gili 107:16

te das lo sasterne wudja dren, un phagas sasterne pandepangre.

Jesaja 45:2

Me djau glan tute, un krau tiro drom tchatcho. Me dau kol sasterne wudja dren, un phagau ko saster, hoi rikrell kol wudja pandles.

Jeremia 27:2

O baro Dewel penas ap mande: Kre tuke i kasht un tchip les ledertikre dorjentsa trul tiri meen, har i kasht trul i grumjakri meen tchiddo well!

Ropaskre gilja 1:14

Ko bud tchilatcho koowa, hoi krom, hi phares ap mande tchiddo. O baro Dewel tchiwas les ap mire phika. Un me phagom khetne tel kowa. O baro Dewel das man an i wasta kolendar, kai nai wau kokres buder gar win.

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.

2. Familjakro liil 10:11

Un kanna, te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah. Me dau tumen i tchupnijah, hoi saster pre hi.’”