Jeremia 26:16 - O Debleskro Drom 2021 (Sinte)

¹⁶ Palle penan i pralstune un kol wawar menshe ap i rashajende un kol chochene rakepangre: “Kau mursh hunte merell gar! Job penas menge kol laba, hoi das les maro baro Dewel.”

O Debleskro Lab 2024 (Sinte-Manouche)

¹⁶ Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Jeremia 26:16 Referans Kwoze

Bičepangre 23:29

Me hatsom win, te haiwell lo i biboldengro tchatchepen wawartchandes har jon. Kowa hi leskri doosh. Me hatsom tchi, te nai marams les, witar kek doosh, te nai tchiwams les an o stilepen.

Bičepangre 23:9

Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Bičepangre 25:25

Me hatsom tchi ap leste, te nai marap les. Job kokres kamell pash o baro rajeste an o foro Rom te djal. Un jaake penom, te well lo kote anlo.

Jeremia 36:25

Un fothe kol mursha Elnatan, Delaja un Gemarja o baro rajestar mangan, te chatchrell lo gar ko liil, shunas job gar ap lende.

Jeremia 36:19

Koi penan kol pralstune ap leste: Tu un o Jeremia, tumer hunte khatrenn tumen, te djinell kek, kai han!

Louka 23:47

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”

Louka 23:41

Kawa hi mari phagi koleske, hoi kram. Mer anah tchatchepah doosh ap mende. Kawa mursh kras kek tchilatchepen.”

Mateo 27:54

Ko pralstuno lurdo un kol wawar, kai khetne leha ap o Jesuseste jak dan, kolla dikan, te was i phub trisslemen, un hoi lauter koi djas. Koi tapras len i bari daar. Un jon penan: “Kau mursh his tchatchepah o Debleskro tchawo.”

Jeremia 26:11

Un i rashaja un i chochene rakepangre penan ap i pralstunende un i wawar menshende, kai hi koi: “Kau mursh hunte merell; job rakras djungeles pral kau foro, har shunan tumer tumare kandentsa.”

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Ester 4:14

Tu te peneh tchi kanna an kau tsiro, palle well i wawar, kai men bibolden win lell. Un tu un tiro dadeskro kheer wenn maredo. Un koon djinell, te wal tu gar rani sawo tsireske har kawa kanna hi?”

Jeremia 34:10

Un i pralstune un i tsele wawar menshe, kai penan ‘awa’ ap kowa, kran ninna jaake, un mukan pengre budepangren te djal.

Jeremia 37:15

I pralstune wan chojedo ap o Jeremia, un mukan les dawa te dell, un witsran les an o stilepen an o kheer o murshestar Jonatan. Kowa his i mursh, kai haiwas lila te tchinell; dran koleskro kheer kran le i stilepen.

Debleskri gili 94:16

Koon well ap miri rig, te kuras men i tchilatchentsa? Koon well pash mande, te djas mer khetne ap kolende, kai krenn midjak koowa?