Jeremia 25:6 - O Debleskro Drom 2021 (Sinte)

⁶ Ma nashenn wawar deblenge palla, te perenn tele glan lende, te mangenn len an! Ma choirenn man kolentsa, hoi tumare wastentsa kran, te anap kek bibacht pral tumende!”

O Debleskro Lab 2024 (Sinte-Manouche)

⁶ Ma nashenn vavar deblenge palla, te perenn tele glan lende, te mangenn len an! Ma rhoyrenn man kolentsa, hoy t'mare vastentsa kran, te anap kek bibarht pral t'mende!”

Jeremia 25:6 Referans Kwoze

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

2. Rajengro liil 17:35

Lenge das o baro Dewel peskro lab, te hi lo lengro Dewel un jon leskre menshe. Ap lende penas lo: “Sharenn kek wawar deblen! Ma tchiwenn tumen tele glan lende! Ma mangenn len an! Un anenn lenge kek viechen un kek sungepaskro koowa!

5. Mose 6:14

Ma dja wawar deblenge palla, kolen i menshe dran i themma trul tumende, an-mangenn.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

1. Rajengro liil 14:22

Un i menshe an o them Juda kran, hoi djungeles his glan o baro Debleskre jaka. Un jon kran budeder tchilatcho koowa har lengre phure kran, un koleha choiran le les budeder har jon.

Josua 24:20

Te mukenn tumer o baro Debles, un mangenn wawar deblen an, palle dikell lo buder gar latches ap tumende un sikrell tumenge o dumo, un anell bibacht pral tumende, bis te buder kek tumendar koi hi.”

5. Mose 28:14

Tu tchiwess kek lab ap i rig, hoi tuke kau diwes penau. Tu djas gar tele leskro dromestar, gar tchatches un gar serwes. Un djas gar wawar deblenge palla, te mangess len an.

5. Mose 13:2

Te stell mashkral tumende i rakepaskro pre, kai penell, te hi les i lab o Deblestar, oder i wawar, koles sunja hi, un job penell i debleskro sikepen oder i baro koowa glan-wi,

2. Mose 20:23

Doleske krenn tumenge kek wawar debles, kek dran rup, witar kek dran sonakai.

2. Mose 20:3

Un tut well kek wawar Dewel har man.

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Hosea 1:7

I menshenge dran o kheer Juda krau miro dji pre. Me, o baro Dewel, hom lengro Dewel, un wau lenge ap i rig. Kowa krau gar o bogeha, o chareha, un o kurepaskro koowa, witar gar i grajentsa un i kurepangre wurdjentsa.

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Jeremia 44:7

Doleske penell o baro Dewel, ko rai pral o bolepen un i phub, kai o Israeleskro Dewel hi: Hoske krenn tumer sawo tchilatchepen ap tumende kokres? Kamenn tumer, te merenn tumare menshe win: mursha un djuwja, tchawe un ternepen? Un tchi atchell pral tumendar, kai wan dran o them Juda?