Jeremia 24:1 - O Debleskro Drom 2021 (Sinte)

¹ His an ko tsiro, kai anas o Nebukadnezar, ko baro rai dran o them Babilonia, o baro rajes pral Juda, o Jekonja, koleskro dad o Jojakim his, pandles dran Jerusalem an o them Babilonia. Khetne leha anas lo i pralstunen pral Juda krik, ninna kolen, kai haiwan o kashteha un o sasteha te budrell. An ko tsiro sikras man o Dewel dui korbe, kai faige dren his, tardo glan o baro Debleskro kheer.

O Debleskro Lab 2024 (Sinte-Manouche)

¹ His an ko tsiro, kay anas o Neboukadnezar, ko baro ray dran o them Babilonia, o baro rayes pral Youda, o Yekonya, koleskro dad o Yoyakim his, pandles dran Yerusalem an o them Babilonia. Khetne leha anas lo i pralstunen pral Youda krik, ninna kolen, kay hayvan o kashteha oun o sasteha te boudrell. An ko tsiro sikras man o Devel douy korbe, kay fayge dren his, tardo glan o baro Debleskro kheer.

Jeremia 24:1 Referans Kwoze

Jeremia 29:2

Job tchinas kau liil pal kowa, kai o baro rai Jekonja un leskri dai krik anlo wan khetne kol pralstunentsa dran o baro rajeskro kheer un i pralstunentsa dran o them Juda un dran o foro Jerusalem. Ninna kol budepangre an Jerusalem, kai haiwenn mishto te budrell o kashteha un o sasteha wan lentsa krik anlo.

2. Familjakro liil 36:10

Un har o bersh trujel his, mukas les o Nebukadnezar an o foro Babilon te anell, un mukas leha bud kutch koowa dran o baro Debleskro kheer te anell, un tchiwas leskro kakes, o Zedekja, pral o them Juda un o foro Jerusalem, te well lo baro rai.

Zakarie 3:1

Un o baro Dewel mukas man te dikell o baro rashajes Jeshua. Kowa his tardo glan o bolepaskro o baro Deblestar. Un ap leskri tchatchi rig his o beng tardo, te tchiwell lo i doosh ap o Jeshua.

Amos 7:7

Un job mukas man pale te dikell: Job his tardo ap i massuri, an peskro wast i dori, kai i blaio pre-pandlo hi, te dikell lo, te hi i massuri gar bango.

Amos 7:4

Palle mukas man o baro Dewel, maro rai, i wawar dikepen te dikell: Job das i baro tatepen gole, te dell lo i menshen i phagi. Un o tatepen chas o baro pani pre, hoi tel i phub hi, un kamas o them pre te chatchrell.

Amos 7:1

O baro Dewel, maro rai, mukas man te dikell, har kras jek stepangre. Kowa his an ko tsiro, har o khass o duito kopo pre djas, pal kowa, har mukas o baro rai o khass o ersto kopo te tchinell.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Ezekiel 19:9

Un jon tchiwan leske i gustri an o nak un i kasht trul leskri meen, un anan les pash o rajeste an o them Babilonia. Un kote tchiwan le les an o stilepen, te was leskri gole buder gar shunlo ap i berge an Israel.

2. Rajengro liil 24:10

An ko tsiro bitchras ko rai pral o them Babilonia, o Nebukadnezar, peskre lurden pash o foro Jerusalem. Un jon tchiwan pen trul ko tselo foro, te nai nashell kek dran o foro win te dren.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jeremia 27:20

hoi o baro rai dran Babilonia, o Nebukadnezar, gar peha las, har anas lo o baro rajes pral o them Juda, o Jekonja, koleskro dad o Jojakim his, an o them Babilonia, khetne kol pralstunentsa dran o them Juda un dran o foro Jerusalem.

Jeremia 28:4

Ninna anau o baro rajes pral Juda pale an kau foro, o Jekonja, koleskro dad o Jojakim his, khetne kol tsele menshentsa, kai dran o them Juda an o them Babilonia pandles anlo wan. Awa, phagau i soor o baro rajestar dran Babilonia. Kowa penell o baro Dewel.”

Jeremia 29:1

O Debleskro rakepaskro, o Jeremia, tchinas i liil ap i phurende, kai pral atchan kolendar, kai pandles krik anlo wan, un ap i rashajende un o Debleskre rakepangre un ap i tsele menshende, kolen o Nebukadnezar an Jerusalem pandles las un an o them Babilonia anas.

Jeremia 37:1

O Zedekja, koleskro dad o Josia his, was o baro rai pral o them Juda. Koles tchiwas o baro rai dran Babilonia, o Nebukadnezar, dren, te well lo baro rai pal o Konja. Kowa his o tchawo o Jojakimestar.

Jeremia 13:19

Kol forja an o mulo tato them Negev hi pandlo, un koi hi kek, kai krenn len nai pre. Kol tsele menshe dran Juda wan halauter krik anlo.

Ezekiel 17:4

un anas ko pralstuno kasht an o them, kai i parepangre hi, un tchiwas les kote an i foro an i phub.