Jeremia 23:33 - O Debleskro Drom 2021 (Sinte)

³³ O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

O Debleskro Lab 2024 (Sinte-Manouche)

³³ O baro Devel penas ap o Yeremia: Te poučell toutar yek mire menshendar, i rakepaskro oder i rashay: Hoy penas o baro Devel touke, hoy phares ap toute čiddo hi? Palle peness: T'mer han phares ap mande čiddo. Kamau te vitsrap t'men krik mandar, penell o baro Devel.

Jeremia 23:33 Referans Kwoze

Maleachi 1:1

Kawa hi o lab, hoi penas o baro Dewel ap peskro rakepaskro, o Maleachi, te penell job kowa dureder ap i Israelitarja.

Habakuk 1:1

Kawa hi kowa, hoi mukas o Dewel peskro rakepaskres, o Habakuk, te dikell.

Nahum 1:1

Kawa hi ko liil, kai tchinlo hi, hoi rakras o baro Dewel pral o foro Ninive. Job sikras kowa peskro rakepaskreste, o Nahum. Kowa was dran ko gab Elkosh.

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Jeremia 12:7

Me mukom mire menshen, ko kheer Israel. Kolen, kai mange win rodom, tradom mandar krik. Kol menshen, kai o djijestar kamau, dom an i wasta kolendar, kai kamenn len te marell.

Jesaja 13:1

Kawa hi, hoi sikras o Dewel o Jesajes pral o foro Babilon. O Jesaja hi o tchawo o murshestar Amoz.

Jeremia 17:15

Jon penenn ap mande: Kai atchell kowa, kolestar o baro Dewel rakras? Mu well kowa pral mende!

Jesaja 14:28

Kawa hi, hoi sikras o Dewel o Jesajes an ko bersh, kai o baro rai Ahas meras.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

Zakarie 9:1

Kawa hi o lab, hoi rakras o baro Dewel; kau lab well an o them Hadrach un djal bis an o foro Damaskus. Tchatchepah, o baro Dewel dikell ap i tsele menshende, gar kokres ap i menshende an Israel.

2. Rajengro liil 23:27

Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”

Jeremia 6:30

Doleske wenn le kharedo: Ko rup, hoi molell tchi. O baro Dewel kamell buder tchi lendar te djinell.

Jeremia 7:15

Un me tradau tumen mandar krik, har me tumare phralen krik tradom, un kol tsele menshen dran Efrajim.

Ezekiel 12:21

Un o baro Dewel penas ap mande: