Biblia Todo Logo
Bib sou entènèt

- Piblisite -




Jeremia 23:30 - O Debleskro Drom 2021 (Sinte)

30 Doleske, penell o baro Dewel, djau me ap kol rakepangre pre, kai tchorenn i lab jek o wawarestar, un penenn: Kowa well o baro Deblestar.

Gade chapit la Kopi

O Debleskro Lab 2024 (Sinte-Manouche)

30 Doleske, penell o baro Devel, djau me ap kol rakepangre pre, kay čorenn i lab yek o vavarestar, oun penenn: Kova vell o baro Deblestar.

Gade chapit la Kopi




Jeremia 23:30
14 Referans Kwoze  

Te phurdell pes i Debleskro rakepaskro pre, un penell i rakepen an miro lab, hoi me leske gar penom, te hunte rakrell lo, sawo rakepaskro hunte merell. Ninna te rakrell job an o lab i wawar deblestar, hunte merell lo.


Doleske penell o baro Dewel, maro rai: Tumer rakrenn, hoi gar tchatcho hi, un penenn glan-wi, hoi chochepen hi, doleske wau me pral tumende, penell o baro Dewel, maro rai.


Doleske penell o baro Dewel, maro rai: Me krau tumare durkepangre dikle paash, kolentsa taprenn tumer menshen har te wans le tchirkle. Kal dikle tserdau tumare mussjendar tele. Un lau kol menshen win, kolen tumer tapran, har te wans le tchirkle.


O baro Dewel dikell ap kolende, kai an o tchatchepen tardo hi. Un leskre kanda shunenn len, te denn le gole.


Me dikau tchilatches ap lende, un dau len pengri phagi: Bis kanna wan le dran i jag win. Kanna well i jag pral lende, un chatchrenn len pre. Koi pre dikenn un haiwenn tumer, te hom me o baro Dewel.


O Dewel, maro rai, dikell latches ap koleste, kai djiwell pal o tchatchepen. Un te mangell job o Debles, shunell lo les. Ap kolende, kai djiwenn an o tchilatchepen, dikell o Dewel gar latches.


Un kawa hi ko sikepen, penell o baro Dewel: Me kamau tumen kate tumari phagi te dell, te djinenn tumer halauter, kai miro rakepen tchatcho wella, te well koi bibacht pral tumende.


Doleske penell o baro Dewel, ko rai pral o bolepen un i phub, kai o Israeleskro Dewel hi: Me lom mange soreles glan, te tchiwap bibacht ap tumende. Tumendar halauterendar, kai wan dran o them Juda, atchell kek djido.


Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.


Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.


Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.


Denn jak, penell o baro Dewel: Kanna wau me pral tumende, kai djiwenn pral i tala ap ko baro bar. Tumer penenn: Kek nai well pral mende. Kek nai well an maro kheer.


Awa, me djau ap kolende pre, kai rakrenn, hoi dran lende well, un penenn: ‘Kowa penas o baro Dewel.’


Swiv nou:

Piblisite


Piblisite