Jeremia 21:13 - O Debleskro Drom 2021 (Sinte)

¹³ Denn jak, penell o baro Dewel: Kanna wau me pral tumende, kai djiwenn pral i tala ap ko baro bar. Tumer penenn: Kek nai well pral mende. Kek nai well an maro kheer.

O Debleskro Lab 2024 (Sinte-Manouche)

¹³ Denn yak, penell o baro Devel: Kanna vau me pral t'mende, kay djivenn pral i tala ap ko baro bar. T'mer penenn: Kek nay vell pral mende. Kek nay vell an maro kheer.

Jeremia 21:13 Referans Kwoze

Ezekiel 13:8

Doleske penell o baro Dewel, maro rai: Tumer rakrenn, hoi gar tchatcho hi, un penenn glan-wi, hoi chochepen hi, doleske wau me pral tumende, penell o baro Dewel, maro rai.

Ropaskre gilja 4:12

Kanna was, hoi i bare raja pral i themma gar patsans, witar gar i tsele menshe ap kai phub: Lurde dran wawar themma, kai kaman maro them dren te lell, djan an i wudja o forestar Jerusalem dren.

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

Jeremia 50:31

Dik, tu pre-phurdo, me kamau ap tute te well, penell o baro Dewel, ko rai pral o bolepen un i phub; tiro diwes was, ko tsiro, kai tiri phagi leh.

Debleskri gili 125:2

Jaake har i berge trul o foro Jerusalem hi, jaake hi o baro Dewel trul peskre menshende kanna un hako tsiro.

Jeremia 21:5

Me kurau man tumentsa o sorelo wasteha, un hadau miri mussi ap tumende bari choljah, un krau miro dji pandlo tumenge.

Jesaja 22:1

Kate sikrell o Dewel, hoi pral i dikepaskri tala wella. Hoi djas tuha, Jerusalem? Hoske djan tumer lauter pral ap i khera?

Jeremia 51:25

Babilon, tu marepaskri berga, tu, kai o merepen anal pral i tseli phub, dik, me wau pral tute, penell o baro Dewel. Me taprau tut miro wasteha, un witsrau tut i berga tele. Hoi tutar atchell hi chatchede barra.

Jeremia 7:4

Ma patsenn kol chochene laba, te penenn jon: ‘Kate hi o baro Debleskro kheer, kai djiwell lo. Awa, kate hi o baro Debleskro kheer!’

2. Mose 13:8

Un ap kawa diwes penenn tumer tumare tchawenge: ‘O baro Dewel anas men dran o them Egiptia win. Doleske rikrah mer kowa.’

2. Mose 13:20

Un jon mukan o foro Sukkot un djan dureder un wan an Etam, kai pash o mulo tato them tchiddo hi un atchan kote i tsiro.

Ezekiel 5:8

Doleske shunenn, tumer menshe an Jerusalem, hoi penau me, o baro Dewel, tumaro rai: Kanna sikrau les tumenge! Un dau tumen tumari phagi glan i jaka kol wawar menshendar.

Ezekiel 21:3

Pen leske: Kawa penell o baro Dewel, maro rai: Shun, hoi tuke penau! Me krau i jag an tute, koja chatchrell hako ruk, hoi senelo hi un koles, hoi truk hi. Kek nai krell koi jag win. Koja djal dureder an o tselo them, jek rigjatar ap i wawar. Un o tatepen chatchrell hakeneske peskro mui.

Ezekiel 34:10

Kawa penell o baro Dewel, maro rai: Me djau ap i bakrengre, un kamau mire bakren dran lengro wast pale. Un me krau, te atchenn le buder gar bakrengre, te dikenn le buder gar ap pende kokres, te djal lenge mishto. Un me lau mire bakren dran lengre muja win, te wenn le lenge buder gar chapaske.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.