Jeremia 21:10 - O Debleskro Drom 2021 (Sinte)

¹⁰ Djinenn, man hi soreles glan, te anap bibacht pral kau foro, un wau gar ap leskri rig, penell o baro Dewel. Kau foro perell an o wast ko baro rajeske pral Babilonia. Kowa tchiwell jag ap leste un chatchrell les pre.

O Debleskro Lab 2024 (Sinte-Manouche)

¹⁰ Djinenn, man hi zoreles glan, te anap bibarht pral kava foro, oun vau gar ap leskri rig, penell o baro Devel. Kava foro perell an o vast ko baro rayeske pral Babilonia. Kova čivell yag ap leste oun rhačrell les pre.

Jeremia 21:10 Referans Kwoze

Jeremia 44:11

Doleske penell o baro Dewel, ko rai pral o bolepen un i phub, kai o Israeleskro Dewel hi: Me lom mange soreles glan, te tchiwap bibacht ap tumende. Tumendar halauterendar, kai wan dran o them Juda, atchell kek djido.

Amos 9:4

Ninna te djan le pandles an i wawar them glan kolende, kai pandan len, mukau len kote o chareha te marell. Me rikrau len an o jak, te krap len tchilatchepen, un kek latchepen.

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Ezekiel 15:7

Me dikau tchilatches ap lende, un dau len pengri phagi: Bis kanna wan le dran i jag win. Kanna well i jag pral lende, un chatchrenn len pre. Koi pre dikenn un haiwenn tumer, te hom me o baro Dewel.

Jeremia 52:13

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Jeremia 39:8

Kol lurde dran Babilonia chatchran o baro rajeskro kheer un kol tsele menshengre khera an o foro Jerusalem, un dan o foreskre massurja tele.

Jeremia 38:18

Te djah tu gar win pash o pralstunende o baro rajestar dran o them Babilonia, palle dau kau foro an lengro wast. Un jon chatchrenn kau fores pre. Un tu nai nasheh witar gar lendar krik.

Jeremia 38:3

O baro Dewel penell: Kau foro well an o wast kol lurdendar un lengro rajestar dino, kai wenn dran o them Babilonia. Kolla lenn kau fores dren.

Jeremia 34:2

Koi penas o baro Dewel, kai o Israeleskro Dewel hi, ap o Jeremia: Dja pash o Zedekja, ko rajeste pral o them Juda, un pen leske: Kowa penell o baro Dewel: Me dau kau foro an o wast o baro rajestar dran o them Babilonia, un job chatchrell les tele.

2. Familjakro liil 36:19

Kol lurde dran o them Babilonia chatchran o baro Debleskro kheer un phagan o foreskre massurja tele. Un i tsele turme chatchran le i jagatar win. Un jaake was lengro tselo kutch koowa chatchedo an i jag un buder tchi moldo.

Jeremia 38:23

Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

Debleskri gili 34:16

O baro Dewel dikell ap kolende, kai an o tchatchepen tardo hi. Un leskre kanda shunenn len, te denn le gole.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

3. Mose 17:10

Hako Israelitari, ninna hako wi-themari, kai mank tumende djiwell, kai rat chal, hawo ninna hi, koleske sikrau miro dumo, un krau, te djiwell lo buder gar mank mire menshende.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 33:5

Tumaro kurepen lentsa hi tchitcheske. Jaake wenn i khera an o foro pherdo i mule menshendar, kai mukom me an miri choli mulo te dell. I menshe an kau foro his jaake tchilatcho, te kamom buder gar ap lengri rig te well.

Jeremia 39:16

Dja pash o Ebed-Melech, kai dran Etiopia hi, un pen leske: Kowa penell o baro Dewel, ko rai pral o bolepen un i phub, kai o Israeleskro Dewel hi: Shun, mire laba, hoi rakrom pral kau foro, wenn tchatcho: Bibacht un kek bacht wenn pral kau foro. Un tu dikeh kowa ap ko emligo tsiro.

Ezekiel 24:11

Un i piri, te hi buder tchi an late dren, palle tchip lat ap ko tele chatchedo kasht, hoi gomme lolo hi, te well li tato, un lakro saster lolo o tatepastar, te djal ko tselo tchik tele, hoi les tchiklo kras!

Amos 2:5

Me bitchrau i jag an o them Juda, un chatchrau kol sorele khera tele an Jerusalem.

Jeremia 38:17

Un o Jeremia penas ap o Zedekja: Kowa penell o baro Dewel, ko rai pral o bolepen un i phub, kai o Israeleskro Dewel hi: Te dja tu win pash i pralstunende o baro rajestar dran o them Babilonia, palle atcheh tu djido, un kau foro well gar chatchedo, tu un tiro kheer atchenna djido.