Jeremia 20:3 - O Debleskro Drom 2021 (Sinte)

³ Un ap o wawar diwes mukas o Pashur o Jeremijes dran o kasht win. Koi penas o Jeremia ap leste: O baro Dewel dell tut gar buder Pashur gole. Tu khareh kanna ‘Traash ap hakeneste’.

O Debleskro Lab 2024 (Sinte-Manouche)

³ Oun ap o vavar dives moukas o Pashour o Yeremiyes dran o kasht vin. Koy penas o Yeremia ap leste: O baro Devel dell tout gar bouder Pashour gole. Tou khareh kanna Traash ap hakeneste.

Jeremia 20:3 Referans Kwoze

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Ropaskre gilja 2:22

Haki rigjatar kharal kolen, kai kran menge daar un traash. Jon wan har pash i baro chapen. Un kek mendar nai nashas peske ap o diwes, kai tiri choli, baro Dewel, pral mende was, un kek atchas pral. Kolen, kai me ap i wasta hidjrom un bares tserdom, kolla wan lendar maredo.

Jeremia 46:5

Hoi dikau me kote? putchell o baro Dewel. Len hi traash, kol lurde, un tserdenn pen pale! Ninna i sorele kurepangre wenn dino. Hakeno nashell jaake sik har djala, un dikell buder gar pal peste!

Debleskri gili 31:13

Bud bistran man, har te woms mulo un paskedo. Lenge hom har i phagedo tcharo, hoi krik witsedo was.

Jeremia 6:25

Ma djan ap tumaro kotar them, kharell jek ap o wawareste! Ma nashenn ap i drom! I lurde wenna haki rigjatar un marenn hakenes pengre charentsa.

Jesaja 8:3

Un me djom pash miri romjate dren. Joi his i Debleskri rakepaskretsa. Un joi was wawartchandes un anas i mursh tchawes ap i phub. Un o baro Dewel penas ap mande: “De les o lab ‘Sik-randedo un sik-tchoredo’!

Bičepangre 16:30

Un job anas len win, un penas ap lende: “Tumer raja, hoi krap, te lap o Debleskro djipen?”

Jeremia 29:29

Ko liil, hoi o Shemaja tchinas, draweras o rashai Zefanja glan o Debleskro rakepaskro, o Jeremia.

Jeremia 19:6

Doleske well i tsiro, kai penenn jon ap kai platsa gar buder ‘Tofet’ un ‘tala Hinnom’. Jon penenn koi pre ‘marepaskri platsa’.

Jeremia 19:2

Un dja win an koi tala Ben-Hinnom, kai glan ko foreskro wudar hi, kai i paash-dine pirja tchiddo hi. Un pen i menshenge kol laba, hoi me tuke penau.

Jeremia 7:32

“Doleske well ko tsiro”, penell o baro Dewel, “kai penenn le gar buder Tofet un Ben Hinnom ap koi tala. Palle kharell koi tala ‘tala, kai wan le maredo’. Kote paskrenn le pengre mulen, kek wawar platsa hi buder koi.

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 17:15

Un o Dewel penas pale ap o Abrahameste: “Tu peness buder gar Sarai ap tiri romjate. Lakro lab well kanna Sara.

1. Mose 17:5

Doleske kharess tu buder gar ‘Abram’. Kanna well tiro lab ‘Abraham’. Me krau te wess o dad bud natsjonendar.

Ezekiel 13:9

Miro wast well pral kol rakepangre, kai penenn glan-wi, hoi gar tchatcho hi, un kai durkrenn chochepen, te dap len i phagi. An o tsillo, kai mire menshe khetne wenn, nai wenn jon gar dren. Un an o liil, kai i laba i menshendar dran Israel dren tchinlo hi, wenn lengre laba gar dren tchinlo. Un an o them Israel wenn le gar palpale. Palle dikenn un haiwenn tumer, te hom me o baro Dewel, tumaro rai.