Jeremia 2:7 - O Debleskro Drom 2021 (Sinte)

⁷ Un me anom tumen an i latcho them, kai bud chapen hi, te chan ko tselo latcho koowa, hoi kote baro wella. Un har tumer an ko them djan, kran les tumer pale-tchiddo. Un miro them was djungeles glan mire jaka.

O Debleskro Lab 2024 (Sinte-Manouche)

⁷ Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Jeremia 2:7 Referans Kwoze

Jeremia 16:18

Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

4. Mose 13:27

Un jon penan: “Mer wam an ko them, kai tu bitchral men. Un tchatchepah an ko them hi bud thud un gwin. Dikenn i drake, faige un phabja, hoi kote bares wan!

Ezekiel 36:17

Tu, mensho, har o kheer Israel an peskro them djiwas, kran le sawo koowa, un djiwan jaake, te was o them pale-tchiddo. Lengro djungelo djipen his mange har ko pale-tchiddo tsiro i djuwjatar, kolat pengro koowa hi.

Jeremia 3:9

Un lakro wi-ladjedo koweha kras joi o them pale-tchiddo. Kasht un barra mangell li an.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Micha 2:10

Stenn pre, djan tumenge! An kau them nai atchenn tumer gar! Tumer kran les pale-tchiddo. Kate atchell kek bar ap o wawar.

Ezekiel 20:6

Me dau man sowel, te anap tumen win dran o them Egiptia un anau tumen an i them, koles me tumenge win rodom. Kowa hi i them, kai budeder har doha thud un gwin hi. Kau them hi shukeder har i tsele wawar themma.

Nehemia 9:25

Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

5. Mose 21:23

palle atchell ko mulo gar pral i rat ap ko kashteste. Na-a, job hunte well paskedo ap ko emligo diwes, te well ko them gar pale-tchiddo, hoi tumaro baro Dewel tumen dell. Pash leste hi kowa praassedo, kai hi pre-pandlo ap i kasht.

5. Mose 6:18

Te krenn, hoi tchatcho un latcho hi glan leskre jaka, djal tumenge mishto. Un tumer wenn dren an ko latcho them, kolestar o baro Dewel tumare phurenge penas, te tradell lo kolen glan tumende kote win, kai tumen gar kamenn. Un job das ninna peskro wast koi pre.

Jeremia 3:2

Ap hawi berga hals tu gomme gar i mursheha tchiddo? Ap o drom hal tu beshdo, un lureh ap lende, har i Arabari an o mulo tato them. Un tu kreh ko them pale-tchiddo tiro wi-ladjedo un djungelo koweha.

Jeremia 32:23

Un har jon an o them dren wan, un les penge lan, shunan jon gar ap tute, djan witar gar ap tiro drom. Un halauter, hoi tu lenge soreles penal, te krenn le les, kowa kran jon gar. Doleske mukal ninna kau tseli bibacht pral lende te well:

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Ezekiel 20:28

Har me len an o them anom, kolestar man sowel dom, te dap les lende, mangan le wawar deblen an. Hako kopo, kai dikan le i tikni berga oder i baro ruk bud patjentsa, chatchran le viechen i chochene deblenge, un kran man chojedo koleha, hoi le lenge anan. Jon chatchran sungepaskro koowa lenge, un tchoran mool win lenge.

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Jesaja 19:25

O baro Dewel, ko rai pral o bolepen un i phub, tchiwell peskri bacht ap lende un penell: Bachtelo hal tu Egiptia. Tumer han mire menshe. Bachtelo hal tu Assur. Tumen krom me mire wastentsa. Bachtelo hal tu Israel. Tumen rodom me mange win, te wenn mire menshe.

Ezekiel 20:24

doleske, kai djiwan le gar pal miro tchatchepen un kran gar, hoi lendar kamom, un budran ap o Debleskro diwes, un nashan kol chochene deblenge palla, kolen lengre phure an-mangan.

Ezekiel 23:35

Tu bistral man un sikral man o dumo. Doleske hidje kanna tiri doosh, hoi ap tute anal, har wi-ladjedo koowa kral un har i lubni djiwal. Kowa penell o baro Dewel, maro rai.