Jeremia 2:24 - O Debleskro Drom 2021 (Sinte)

²⁴ har i diwji burika an o mulo them, te dell joi gole un nashell trujel an lakro bipandlo tsiro, un kek nai rikrella pre. Koon lat kamell, hunte rodell gar dur. Joi mukell pes sik te hatsell an ko tsiro.

O Debleskro Lab 2024 (Sinte-Manouche)

²⁴ har i divyi bourika an o moulo them, te dell yoy gole oun nashell trouyel an lakro bipandlo tsiro, oun kek nay rikrella pre. Koon lat kamell, hounte rodell gar dour. Yoy moukell pes sik te hatsell an ko tsiro.

Jeremia 2:24 Referans Kwoze

Jeremia 14:6

Kol diwje burike hi tardo ap nange berge, un lenn pharo ducho, har diwje djukle, kai trushenna. Jon hatsenn kek senlepen buder, un lengre jaka wenn korelo.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Jeremia 2:27

kolla, kai ap i debla penenna: “Tu hal miro dad!” un ap i barrengre debla: “Tu anal man ap i phub.” Mange sikran le pengro dumo un gar pengro mui. Te well kanna i bibacht pral lende, denn le gole: “Rai! Ab ap mari rig!”

Hiob 11:12

Nai well kowa gosewo, koles tchi an o shero hi? Jaake rah gar, har i burika kek menshes ap i phub anell!

Hosea 8:9

Jon djan pral an o them Assur kutch koweha. I diwji burika atchell peske kokres. O Efrajim kamell malen peske te ginell.

Hiob 39:2

Nai peneh tu, kitse tchonna jon hunte hidjrenn, un djineh o tsiro, kai le pengro ternepen ap i phub anenn?

Ezekiel 16:33

Haki wawar lubjat well lowe dino. Tu dal gomme kolen, kai tut lan, tchomone. Un ginal len, te wenn le pash tute dran kol themma, kai le hi, un sowenn tuha.