Jeremia 19:11 - O Debleskro Drom 2021 (Sinte)

¹¹ Pen ap lende: Kowa penell o baro Dewel, ko rai pral o bolepen un i phub: Me dau paash kal menshen un kau foro, har deh sorjah i khoro jaake paash, kai nai kreh kowa gar buder tselo. Un i menshe paskrenn i mulen ap i platsa Tofet, – kek wawar platsa hi lenge koi.

O Debleskro Lab 2024 (Sinte-Manouche)

¹¹ Pen ap lende: Kova penell o baro Devel, ko ray pral o bolepen oun i phoub: Me dau paash kal menshen oun kava foro, har deh zoryah i khoro yaake paash, kay nay kreh kova gar bouder tselo. Oun i menshe paskrenn i moulen ap i platsa Tofet, – kek vavar platsa hi lenge koy.

Jeremia 19:11 Referans Kwoze

Debleskri gili 2:9

Ab rai pral lende i sasterno wasteha, tu phageh len nai har tchare.”

Jesaja 30:14

Ko kheer hi an kotja tchiddo jaake har o khoro, hoi paash dino was. Lestar atchell kek tikno kotar, koleha nai lals jag dran o bob un pani dran i brunna.

Ropaskre gilja 4:2

I terne mursha dran o foro Zion, – kutch har o latcheder sonakai his le menge – kanna hi le gar budeder moldo har pirja, hoi kerdo wan dran tchik!

Debleskro tsiro 2:27

Job anell len i sasterno wasteha un dell lauteren paash, kai gar ap leste shunenna, jaake har tchare paash dino wenna.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 19:6

Doleske well i tsiro, kai penenn jon ap kai platsa gar buder ‘Tofet’ un ‘tala Hinnom’. Jon penenn koi pre ‘marepaskri platsa’.

Bičepangre 21:11

Un job was pash mende, las koi dori, hoi o Paules trul peskro ripen his, un pandas peskre pire un wasta, un penas: “Kowa penas mange o Debleskro Ducho: Ko mursh, koneske kai dori hi, koles pandenn i bibolde an o foro Jerusalem, un denn les an i wasta kolendar, kai kek bibolde hi.”

Gosewe laba 6:15

Doleske well leskri bibacht sik pral leste. Sik hi lo dukedes ap i phub tchiddo, un kek sastepen hi leske koi.

Jeremia 19:12

Jaake krau me kau foreha un kol menshentsa, kai djiwenn koi, te well kau foro har koi platsa Tofet. Kowa penell o baro Dewel

Jeremia 48:38

Pral ap i khera an o tselo them Moab, un ap leskre tsele dromma denn le bares gole. O baro Dewel penell: Me phagom o them Moab an kotja har i khoro, hoi kek buder kamella.

Jeremia 51:63

O Jeremia penas dureder ap o Seraja: Te draweral kau liil win, palle pande i bar koi trujel, un witse les an o Pani Eufrat,

Jeremia 25:34

Tumer pralstune, kai hunte wans har bakrengre o baro Debleskre menshenge, rowenn un denn gole! Tchiwenn tumen tele an i jagakri tchik! O tsiro hi koi, kai wenn maredo. Tumer perenn tele un wenn phagedo har i kutch khoro, hoi perell tele.