Jeremia 18:22 - O Debleskro Drom 2021 (Sinte)

²² Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.

O Debleskro Lab 2024 (Sinte-Manouche)

²² Biče lourden, kay venn ap yek kopo pral lende oun lengre khera, te denn le gole i trashatar! Yon lourenn koy pre te taprenn le man, oun čivan dorya, te taprenn mire herya koy dren.

Jeremia 18:22 Referans Kwoze

Jeremia 6:26

Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

Debleskri gili 140:5

Baro Dewel, de ap mande jak, te taprenn man i tchilatche gar! Khate man glan i marepangre, glan kolende, kai kamenn te perap!

Zefanja 1:16

i diwes, kai i kurepaskri gole shunlo well, un an i phurdepangre phurdedo well, te djan i lurde an o kurepen, un phagenn tele kol sorele forja un bare massurja.

Mateo 22:15

Un pal kowa wan i Farisarja khetne, un rakran mank pende, har jon nai taprenn o Jesuses an leskre laba.

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Jeremia 18:20

Jon lurenn koi pre, te taprenn le man. Hi kowa mishto, te krenn le mange tchilatchepen, ninna te krom lenge latchepen? Ma biste, har me glan tute tardo homs, te rakrap lenge mishto, te less tiri choli lendar krik!

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jesaja 10:30

Tumer menshe an o foro Gallim, denn bari gole! Shunenn koi gole, tumer an o foro Lajesha! Bare duka wenn ap o foro Anatot!

Debleskri gili 38:12

Mire mala un mire menshe darenn glan miro nasslepen. Un kolla, kai pash mande djiwenna, hi dur mandar krik tardo.

Debleskri gili 119:85

Kol pre-phurde kran chebja, te perap dren, kolla, kai djan gar ap tiro drom.

Jeremia 5:26

O baro Dewel penella: Mashkral mire menshende hi tchilatche menshe, kai lurenn ap wawarende, te taprenn le len, har kolla, kai tapenn i tchirklen dren,

Jeremia 20:16

Ko diwes te well har kol forja, kai o baro Dewel paash kras, un kolla les gar khaitan. Taissarlake mu shunell lo ropen un mashkral o diweske o kurepaskri gole.

Debleskri gili 140:6

Kol pre-phurde tchiwan mange dorja win, te stakrap dren un perap. Jon tchiwan i netsa win ap miro drom, te taprenn le man.

Debleskri gili 142:4

Har djinom buder gar, hoi te krap, djinal tu, har mantsa dureder djal. Ap ko drom, hoi me hunte djom, tchiwan le dorja win, te perap dren.