Jeremia 18:15 - O Debleskro Drom 2021 (Sinte)

¹⁵ har mire menshe man bistran. Jon anenn viechen un sungepaskro koowa kol deblenge, kai kek hi. Kolla anan len o phureder drom tele, un mukenn len ap i djungele dromma te djal.

O Debleskro Lab 2024 (Sinte-Manouche)

¹⁵ har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 18:15 Referans Kwoze

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Hosea 11:2

Un te kharau len kanna, nashenn le mandar krik, un chatchrenn viechen i mule deblenge, un sungepaskro koowa glan i figure.

Jeremia 2:32

Nai bistrell i terni tchai peskro sonakai, i terni djuwel, kai kamell romedinerell, peskro bijabeskro ripen? Na-a! Mire menshe bistrenn man pale te pale.

Jesaja 57:14

O baro Dewel penell: Krenn o drom! Krenn o drom! Krenn mire menshenge o drom! Lenn halauter krik, hoi lenge ap o drom tchiddo hi!

Maleachi 2:8

Tumer rashaja nashan miro dromestar ap i wawar drom. Un bud menshe peran tumentsa miro dromestar tele. Tumer sikran lende buder gar o tchatcho drom, un phagan ko lab, hoi me i Levitarentsa win krom. Doleske penau me, o baro Dewel, ko rai pral o bolepen un i phub:

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Jeremia 10:15

Jon molenn tchi, un hi sapaske. An ko tsiro, kai rakrell o baro Dewel o tchatchepen win, hunte djan jon tele.

Jesaja 41:29

Jon halauter hi chochene, un nai krenn tchi. Un i figure lendar hi gar budeder moldo har i ducho.

Hosea 2:13

Me krau, te wenn i Israelitarja buder gar bachteles khetne ap kol bare diwessa. Ap kek Debleskro diwes, ap kek diwes, kai well o newo tchon diklo, un ap kek wawar baro diwes wenn le buder khetne.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jeremia 13:25

Tumer bistran man un djan chochene deblen palla. Doleske well kai phagi pral tute, Jerusalem, hoi me, o baro Dewel tut dau.

Jeremia 3:21

I gole un i ropen well shunlo ap o pralstuno them: Kolla hi i Israelitarja, kai djiwan i tchilatcho djipen, un bistran lengro baro Debles.

Remarja 14:21

Hi feteder, te chah tu kek mass un te pijeh tu kek mool un kreh tchi, hoi anell tiro phrales o Debleskro dromestar tele.

Jeremia 44:25

Kowa penell o baro Dewel, ko rai pral o bolepen un i phub, kai o Israeleskro Dewel hi: Tumer un tumare romja penan: “Mer kamah mari sowel te rikrell, hoi mer i bolepaskri rajetsake dam, te chatchras sungepaskro koowa lake un te tchoras mool glan late win.” Un kowa kran tumer ninna. Palle mishto, palle rikrenn tumari sowel, un krenn, hoi dan lake sowel!

Jeremia 19:5

Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

Jesaja 62:10

Murshale an o foro Jerusalem, djan win dran o foreskre wudja! Djan win! Krenn i drom i menshenge, kai khere wenn! Krenn o drom tchatcho! Lenn kol barra krik! Krenn ko drom djudjo! Hadenn i sikepen pre i menshenge dran wawar themma!

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jesaja 3:12

Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jesaja 65:7

Ko tchilatcho koowa, hoi jon kran, un ko tchilatcho koowa, hoi lengre phure kran, penell o baro Dewel. Jon chatchran ap i berge wawar deblenge sungepaskro koowa, un koleha anan le ladj ap mande. Jaake dau me kowa ap lengre sherja pale, kowa lauter, hoi kran le ninna an i phure tsirja.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Jeremia 18:14

Te dell gib ap i berga Libanon, atchell o gib i raheder tsiro tchiddo, un ko brishineskro pani nashell gar jaake sik krik,

Jeremia 51:18

Jon molenn tchi, un hi sapaske. An ko tsiro, kai rakrell o baro Dewel o tchatchepen win, hunte djan jon tele.

Ezekiel 21:15

Mishto tchinell lo. te marell lo bud menshen. Un djudjo kerdo hi lo, jaake djudjo har i blendari. Ma penenn: “Mer nai wah bachteles. Maro rai sal pral i tsele wawar rajende.”

Ezekiel 36:15

Me krau, te shuness buder gar o praassepen kolendar dran wawar themma, un hunte ladjess tut buder gar glan lende. Tu kreh buder gar, te hi tumare menshen buder kek tchawe. Kawa penell o baro Dewel, maro rai.

Hosea 2:6

Lakre tchawe hi i lubjengre tchawe. Lenge krau miro dji gar pre.

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

Jeremia 1:16

Un me dau i menshen an Juda i phagi lengro tchilatchepaske, hoi jon kran. Jon djan krik mandar un anan viechen wawar deblenge un mangan kol figuren an, hoi le pengre wastentsa kran.

Jeremia 11:12

Palle denn kol menshe an o them Juda un an Jerusalem gole pal kol deblende, kai chatchran jon lenge sungepaskro koowa. Kal debla nai haiwenn len gar dran lengri bibacht win te anell.

Jeremia 11:13

Jaake bud forja tumen hi, jaake bud deblen hi tumen, tumer menshe an Juda. Un jaake bud dromma an Jerusalem hi, jaake bud chatchepangre kran tumer, kai chatchrenn viechen o djungelo debleske Baal.

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.