Biblia Todo Logo
Bib sou entènèt

- Piblisite -




Jeremia 17:23 - O Debleskro Drom 2021 (Sinte)

23 Jon shunan gar ap mande, un dan gar jak ap mire laba, djan pal pengro shero, un rikrenn pen gar ap kowa, hoi lenge penom.

Gade chapit la Kopi

O Debleskro Lab 2024 (Sinte-Manouche)

23 Yon shounan gar ap mande, oun dan gar yak ap mire laba, djan pal pengro shero, oun rikrenn pen gar ap kova, hoy lenge penom.

Gade chapit la Kopi




Jeremia 17:23
24 Referans Kwoze  

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.


O baro Dewel, o rai pral o bolepen un i phub, kai o Israeleskro Dewel hi, penell: I menshe an Jerusalem un an i gaba un forja trujel pandan pengre djia, un kamenn mire laba gar te shunell. Doleske anau pral lende koi tseli bibacht, hoi lenge glan-wi penom.


Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.


Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.


Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.


Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.


kolla lauter sikran mange pengro dumo un gar lengro mui. Ninna te dom me lenge an hako tsiro sikepangre, kai sikran len miro drom, kaman jon gar te shunell, un mukan gar pengro phuro djipen.


Me djinau, te hi tumen barrengre djia, un tumare menja hi sorelo har dran saster, un tumare sherja har dran lolo saster.


Kowa wals i phagi doleske, kai dan le tchi ap mire tchatchepaskre laba, un kran gar, hoi lendar kamom, un rikran gar o Debleskro diwes dren. Na-a, pengre chochene deblen nashan le palla!


Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.


Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.


Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.


Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.


Mukenn tumen mandar te penell, har te djiwenn! Kowa hi tumenge feteder har te nashenn o rup palla! Rodenn, har te djinenn budeder. Kowa hi tumenge feteder har kutch sonakai.


un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?


Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.


Kol laba sikrenn mende, har te djiwas mishto un tchatcho, har te djiwas i djipen kek chochepah, un har te djas ap o tchatcho drom.


Kowa choirell tut, te hunte rikress tut ap mire laba. Kowa, hoi tuke penom, kameh tu gar te krell.


Un me penom tumenge: Me, o baro Dewel, hom tumaro Dewel. Ma mangenn kol deblen an, hoi i Amorarja an-mangenn, an kolengro them tumer djiwenn. Un tumer shunan gar ap mande.’”


Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.


Swiv nou:

Piblisite


Piblisite