Jeremia 17:17 - O Debleskro Drom 2021 (Sinte)

¹⁷ Kameh tu man traashnes te krell? Pash tute wau me un khatrau man ap o tchilatcho diwes.

O Debleskro Lab 2024 (Sinte-Manouche)

¹⁷ Kameh tou man traashnes te krell? Pash toute vau me oun khatrau man ap o čilačo dives.

Jeremia 17:17 Referans Kwoze

Nahum 1:7

Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Debleskri gili 59:16

hoi nashenn trujel, te rodenn le penge chapen. Un te wenn le gar tchalo, sikrenn le pengre danda.

Hiob 31:23

Sau koowa nai kroms me gar, me trashau o Deblestar, un hunte daroms, te well leskri choli pral mande!

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Jeremia 17:7

O Debleskri bacht hi tchiddo ap kol mursheste, kai rikrell pes ap o baro Debleste.

Debleskri gili 41:1

I gili o rajeske pral i gipangre. O David kras kai gili.

Efesarja 6:13

Doleske riwenn kol koola ap tumende, hoi dell tumen o Dewel, te kurenn tumen mishto ap ko diwes, kai well o beng ap tumende. Palle han sorleder har job, un atchenn soreles tardo.