Jeremia 17:14 - O Debleskro Drom 2021 (Sinte)

¹⁴ Kre man sasto, baro Dewel, Te kreh man sasto, palle hom sasto. Le man win dran i bibacht! Palle nai krell man kek tchi. Tu hal kowa, kones sharau.

O Debleskro Lab 2024 (Sinte-Manouche)

¹⁴ Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Jeremia 17:14 Referans Kwoze

Debleskri gili 6:2

Baro Dewel, tu hal chojedo ap mande. Ma de man sawi bari phagi! Ma de man gar an tiri choli!

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

Debleskri gili 106:47

Baro Dewel, le men win dran i wasta kol wawar menshendar, maro Dewel! An men pale lauter khetne an o them Israel, te parkras men pash tute, kai kokres o tchatcho Dewel hal. Mari bacht hi, te nai sharah tut.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

5. Mose 10:21

Job hi kowa, koleske sharenn tumen i wawar menshe. Job hi tumaro Dewel, kai kras sawo baro un sorelo koowa pash tumende. Kowa dikan tumer tumare jakentsa.

Debleskri gili 109:1

I gili o rajeske pral i gipangre. Kai gili kras o David. Tu, miro Dewel, tut sharau un giwau gilja tuke, ma rike tut pale! Kre tchomone!

Debleskri gili 6:4

Man hi bari traash. Ach, baro Dewel, har rah hal tu chojedo ap mande?

Jeremia 15:20

Me krau tut kal menshenge har i soreli massuri. Ninna te djan le ap tute, nai witsrenn le tut gar trujel. Me, o baro Dewel, hom pash tute, te wap ap tiri rig, un te lap tut win dran lengre wasta, –

Mateo 14:30

Ap jek kopo haiwas lo, har sorelo o ducho pral o baro pani phurdas. Un i daar tapras les. Koi djas lo lokes tele, un das i darjatar gole: “Rai, ma muk man te tassell!”

Jeremia 31:18

Shunom mishto, har o Efrajim rowas: “Baro Dewel, homs har i terno gurum, kai djinas gar, har te tserdell lo. Tu sikral man dawentsa, hoi te krap. An man pale, me kamau pash tute te well. Tu hal miro Dewel.

Jesaja 6:10

Rake lentsa, ninna te pandenn le pengre djia, un krenn pengre kanda kashteno, un pengre jaka pandlo. Te dikans le pengre jakentsa, un shunans pengre kandentsa, un haiwans pengre djijentsa, mukans le pengro tchilatcho drom un wans pash mande, un me kroms len sasto.

Mateo 8:25

Palle djan jon pash leste, djangran les pre, un penan ap leste: “Rai! Le men kate win! Mer tassah.”

Debleskri gili 148:14

Job das peskre menshende i soor pral i wawar menshende. Sharenn les, tumer, leskre menshe, tumer dran o Israel, kai han pash leste. Sharedo well o baro Dewel!

Debleskri gili 60:5

Tu mukal tire menshen pharo koowa te dikell. Tu dal men sawi mool te pijell, te wam mato.

Debleskri gili 12:4

Baro Dewel, kre, te rikrenn le pengre muja, kolla, kai rakrenn dui tchipjentsa! Pande kolenge o mui, kai jaake bares rakrenna,

4. Mose 12:13

Un o Mose das ap o baro Debleste gole: “Ach Dewel, kre lat sasto!”

Debleskri gili 54:1

I gili o rajeske pral i gipangre, te bashrell ap i dorjengri bashepaskri. O David tchinas koi gili, har kol mursha dran Sif pash o Saul wan un penan: “O David rikrell pes pash mende khatemen.”

Jeremia 3:23

Tchatchepah, har dam gole pal kol deblende ap kol berge, wan le gar ap mari rig. Kokres tu, maro baro Dewel, nai leh men tchatchepah win dran mari bibacht.

Jeremia 30:17

Tut un tiro dukepen krau me pale sasto, penell o baro Dewel, ninna te penenn le ap tute ‘o praassedo them’ un: ‘o foro Zion, pal koleste kek putchella’.

Jeremia 33:6

Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

Debleskri gili 6:3

Baro Dewel, ab latches ap mande, mange djal gar mishto! Baro Dewel, kre man pale sasto! Man hi buder kek soor an mande.

Debleskri gili 119:94

Me hom tiro un kamau te krap, hoi mange peneh. Doleske ab ap miri rig!