Jeremia 16:17 - O Debleskro Drom 2021 (Sinte)

¹⁷ Mire jaka dikenn halauter, hoi jon krenna. Jon nai khatrenn pen gar glan mande. Lengri doosh hi glan mire jaka tardo.

O Debleskro Lab 2024 (Sinte-Manouche)

¹⁷ Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 16:17 Referans Kwoze

Gosewe laba 15:3

I jaka o baro Deblestar dikenn lauter, kowa, hoi i tchilatche krenna, un kowa, hoi i latche krenna.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

Gosewe laba 5:21

O baro Dewel dikell, har hakeno djiwell. Kowa, hoi hakeno krella, djinell lo.

Debleskri gili 90:8

Maro tchilatcho koowa hoi kram, tchiwal tu glan tute tardo. Mari khatedi doosh tchakreh tu pre.

Hebrearja 4:13

O Dewel dikella lauter. Tchi an mende hi khatedo glan leskre jaka. Lauter hi pre tchakedo glan leste. Un leske hunte penas mer halauter, hoi kram.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Jeremia 32:19

Tu leh tuke baro koowa glan, un hoi kreh, hi sorelo. Un tire jakentsa dikeh i tsele dromma i menshendar, te dess hakenes pal kowa, har job djiwas un hoi lo kras.

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

Jesaja 29:15

Djungeles djal kolenge, kai kowa, hoi le penge an pengre djia glan lan, glan o baro Debleste khatrenn, un an o kalepen i ratsjatar pengro koowa krenn, un penenn: “Koon dikell men? Un koon djinell, te hams mer kowa?”

Debleskri gili 139:3

Te djau win, un te hom tchiddo, tu hal pash mande. Mire tsele dromma, tu prindjreh len.

Ezekiel 8:12

Un o baro Dewel penas ap mande: Tu mensho, dikal tu kawa, hoi krenn i phureder dran o kheer Israel tchorchanes – hakeno lendar glan peskri figura an lakri isema? Jon penenn penge: O baro Dewel dikell men gar, un djas peske dran kau them!

Debleskri gili 51:9

Le miri doosh mandar krik! Palle hom djudjo an miro dji. Thob man! Un me wau parneder har gib.

Debleskri gili 109:15

Muk kowa, hoi le kran, hako tsiro glan tire jaka te well! Kre, te well leskro lab bistedo an o tselo them!

Jeremia 2:22

Tu nai thoweh tut jaake bud har kameh, un leh ko sorlester sapuni! Ko tchilatchepen, koleha tut pale-tchiddo kral, atchell glan mire jaka, penell o baro Dewel, maro rai.

Jeremia 29:23

Koi phagi was ap lende doleske, kai kran le i wi-ladjedo koowa an Israel, un lan penge romjen, kai romedino hi, un penan an miro lab tchomone glan-wi, hoi chochepen his, hoi me lenge gar an o mui tchiwom. Me djinau, hoi le kran, me dikom les, penell o baro Dewel.

Zefanja 1:12

An ko tsiro wella jaake, kai lau i momeli un rodau an o foro Jerusalem lauter kolen, kai djiwenn i shukar djipen un djinenn kek daar, un kai penenn an pengre djia: O baro Dewel krell menge tchi, kek latchepen, witar kek tchilatchepen.

Zakarie 4:10

Job penas: “Kolla hi kol dui wi-rodede mursha, kolen o rai pral i tseli phub o djeteha dren makas, te krenn le leskri budi.”

Hiob 10:14

Tu kamal jak ap mande te dell, te dikess, te loms me doosh ap mande. Palle kamal miri doosh ap mande te mukell.

Hiob 31:4

O Dewel dikell halauter, hoi krau, un djinell, hawo drom mire pire djan.

Debleskri gili 33:15

Job tchiwell lenge an o dji, hoi te krenn le, un dell jak ap lauter, hoi jon krenna.

Jesaja 66:18

Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

Jeremia 7:11

Kau kheer, hoi mange kerdo was, hi kawa tumenge i kheer, kai i tchorepangre pengro tchoredo koowa khatrenn? Mishto, palle dikau me kowa ninna jaake, penell o baro Dewel.