Jeremia 16:14 - O Debleskro Drom 2021 (Sinte)

¹⁴ Dikenn, well ko tsiro, penell o baro Dewel, kai well gar buder sowel dino kal labentsa: … pash o djido Debleste, kai las kol Israelitarjen win dran o them Egiptia.

O Debleskro Lab 2024 (Sinte-Manouche)

¹⁴ Dikenn, vell ko tsiro, penell o baro Devel, kay vell gar bouder sovel dino kal labentsa: … pash o djido Debleste, kay las kol Israelitaryen vin dran o them Egiptia.

Jeremia 16:14 Referans Kwoze

5. Mose 15:15

Un tu bistress gar, te hals i budepaskro an o them Egiptia, un tiro baro Dewel las tut kote win. Doleske penau me tuke kowa kau diwes.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

Jeremia 32:37

Tchatchepah, me anau mire menshen pale kate an kau foro, dran kol tsele themma, kai me len tradau an miri bari choli, hoi chatchell har i jag an mande. Me anau len pale an kau foro, te djiwenn le kate kek darjah.

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

Debleskri gili 81:7

Me lom tumendar ko pharo koowa tele, hoi ap tumare phika his, un tumare wasta hunte hidjrenn buder gar kol phare barra.

Debleskri gili 81:11

Me hom tiro baro Dewel, kai tut dran o them Egiptia win anas. Kre tiro mui dur pre, un me dau tut bud chapen.