Jeremia 14:3 - O Debleskro Drom 2021 (Sinte)

³ Kol brawele bitchrenn pengre budepangren pal pani. Kolla djan pash i brunna, un hatsenn kek pani. Lengre khore anenn le kek panjeha pale. Lenge hi ropaske, un khatrenn pengro mui i ladjatar.

O Debleskro Lab 2024 (Sinte-Manouche)

³ Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Jeremia 14:3 Referans Kwoze

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

Debleskri gili 40:14

Baro Dewel, dik latches ap mande, un le man win dran o tchilatchepen! Ab sik ap miri rig!

2. Rajengro liil 18:31

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

Amos 4:8

Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Joel 1:20

Ninna i diwje vieche denn gole ap tute. Kek pani nashell un well dran i phub, un i jag chatchras o khass an o diwjo them.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Debleskri gili 109:29

An i ladj ap kolende lauterende, kai anan doosh ap mande pre. Lengri ladj mu well jaake baro, te wenn le latar tchakedo har i bajah.

Hiob 6:20

Un har wenn le kote, his lauter tchitcheske: Kek pani hi koi.

Ester 6:12

Palle djas o Mordekai pale an o wudar pale glan o baro rajeskro kheer. Un o Haman ladjas pes un khatras peskro shero, un djas sik khere.

1. Rajengro liil 17:7

Un har kek brishin das an o them, was o tsiro, kote his buder kek pani an ko tikno pani Krit.

2. Samuel 19:4

Un i lurde tserdan pen pale an o foro har lurde, kai dran o kurepen krik nashan un hunte ladjenn pen doleske.

Jeremia 2:37

O tsiro wella, kai djah tu kotar krik, un deh tire wasta pral o shero khetne i ladjatar; o baro Dewel kamell tchi lendar te djinell, ap konende tiro dji tchiwal, un lentsa hi tut kek bacht.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 15:18

Hoske wenn mire duka gar sasto? Hoske hi miro dukepen jaake djungelo, te well lo gar sasto? Tu wal mange har i brunna, kai an o nijale kek pani dren hi.

Ropaskre gilja 4:4

I tikne tchawen hi jaake trush, te well lengri tchip truk an o mui. I tchawe mangenna i kotar maro, un kek hi koi, te dell lo lenge i kotar.

Hosea 2:3

Penenn tumare phralenge, te hi le mire menshe, un ap tumare phenja, te krau me miro dji lenge pre.

Zakarie 14:17

Te hi jek them ap kai phub, dran koleste wenn le gar an Jerusalem, te sharenn le o baro Debles, ko rajes pral o bolepen un i phub, palle dell kek brishin ap ko them.

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.