Jeremia 13:9 - O Debleskro Drom 2021 (Sinte)

⁹ Kowa penell o baro Dewel: Ninna kamau me o tselo pre-phurdepen i menshendar dran Juda un Jerusalem paash te krell.

O Debleskro Lab 2024 (Sinte-Manouche)

⁹ Kova penell o baro Devel: Ninna kamau me o tselo pre-phourdepen i menshendar dran Youda oun Yerusalem paash te krell.

Jeremia 13:9 Referans Kwoze

3. Mose 26:19

Tumaro pre-phurdepen un tumaro pesso shero phagau, un dau tumen buder kek brishin. Ko bolepen pral tumende well har saster, un koi phub tel tumare pire sorelo har barra.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Gosewe laba 16:18

Koon pes bares krell, well phagedo. Un i pre-phurdo mensho perell.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Nahum 2:2

Tumer menshe an o foro Ninive, kurepangre wenna, te krenn le tumaro foro paash. Denn garda ap o foreskri massuri! Rikrenn i dromma an i jak! Lenn i chare an o wast! Anenn tumare tsele lurden khetne!

Ezekiel 16:56

An ko tsiro, kai jaake pre-phurdo hals, rakral pal tiri phenjate Sodom.

Ezekiel 16:50

Na-a, jon kran pen bares, un kran glan mire jaka, hoi mange djungeles hi. Doleske lom lat ninna krik, har kowa latar dikom.

Jeremia 48:29

An hako tsiro was penlo pral o them Moab, har pre-phurdo job hi, un hawo sharedo job hi, har rikrell lo bud pestar, hawo baro mujeskro job hi, un har dikell lo tele ap i wawarende!

Jesaja 16:6

Mer shunam, hoi pral i Moabarja rakedo was, kai hi le jaake pre-phurdo, un dikenn tele ap i wawarende, un krenn pen kokres bares. Un len hi i baro mui.

Jeremia 13:8

Koi rakras o baro Dewel mantsa un penas:

Jeremia 25:18

Kolla his i menshe pengre bare rajentsa un pralstunentsa an o foro Jerusalem un an kol wawar forja an o them Juda. Jon hunte pijenn, te wenn le khetne dino un paash kerdo, jaake te denn i wawar menshe i wasta khetne pral o shero un rakrenn lendar har praassede menshendar.