Jeremia 13:10 - O Debleskro Drom 2021 (Sinte)

¹⁰ Kalla tchilatche menshe, kai kamenn mire laba gar shunell, djan pal pengro shero, un djan wawar deblenge pal, anenn lenge viechen, un mangenn len an. Jon hunte wenn har ko pereskro pandepen, hoi buder tchi molella.

O Debleskro Lab 2024 (Sinte-Manouche)

¹⁰ Kalla čilače menshe, kay kamenn mire laba gar shounell, djan pal pengro shero, oun djan vavar deblenge pal, anenn lenge firhen, oun mangenn len an. Yon hounte venn har ko pereskro pandepen, hoy bouder či molella.

Jeremia 13:10 Referans Kwoze

Jeremia 16:12

Tumer kran budeder tchilatchepen har tumare phure. Hakeno tumendar djiwell pal peskro shero un peskro tchilatcho dji. Ap mande shunell kek.

Jeremia 9:14

Doleske penell o baro Dewel, ko rai pral o bolepen un i phub, kai o Israeleskro Dewel hi: Me dau kal menshen shutlo senlepen chapaske, un pani, kolestar merenn le.

4. Mose 14:11

Un o baro Dewel penas ap o Mose: “Har rah rakrenn kol menshe djungeles pral mande? Un har rah kamenn jon gar ap mande te patsell, witar gar, kai krom jaake bud baro un sorelo koowa pash lende?

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

Jeremia 13:7

Me djom pash o Eufrat un lom ko pandepen kotar, kai khatrom les. O pandepen his gar buder tselo, un tchi buder moldo.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 11:18

O baro Dewel penas mange, hoi len glan hi, te djinap me kowa.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Jeremia 5:23

Kal menshe djan pal lengro shero, un kamenn gar te shunell. Jon djan mandar krik un djan pengro drom.

Jesaja 3:24

Un palle well, te hi djungeli khand, kai shukar sungepen his, un kote, kai i shukar pereskro pandepen his, hi kanna i dori. Un kolat, kai shukar bal his, kolat hi palle kek bal ap o shero, un kolat, kai kutch koola his, koja riwell palle i gono trul peste. Un kote, kai shukapen his, hi kanna tchi har i ladj.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Debleskri gili 78:8

jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 20:4

Kowa penell o baro Dewel: Tu aneh traash ap tute un ap tire malende. Jon wenn maredo o chareha kolendar, kai kurenn pen lentsa. Un tu dikess kowa tire jakentsa. Un me kamau i tsele menshen an o them Juda an o wast o baro rajestar dran o them Babilonia te dell. Kowa anell i kotar lendar pandles an Babilonia un dell i wawaren mulo o chareha.

Jeremia 22:21

Jerusalem, har djas tuke gomme mishto, dom me tut trad. Tu penal, me dau gar jak ap kowa, hoi lo rakrell. Jaake kral hako tsiro. Ninna har tu gomme terno hals, shunal gar ap mande.

Jeremia 23:17

Kolenge, kai san pral o baro Debleskro lab, penenn le: ‘Tumenge djal mishto an ko tsiro, hoi wella!’ Un kolenge, kai djan pal pengro shero, penenn le: ‘Kek bibacht well pral tumende.’

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 44:5

Jon shunan gar, un dan gar jak ap mire laba, un mukan gar pengro tchilatchepen, un mukan gar tele te chatchrenn le sungepaskro koowa kol wawar deblenge.

Jeremia 44:16

Kol laba hoi tu menge an o baro Debleskro lab peneh, ap kolende kamah mer gar te shunell.

Jeremia 7:13

Tumer kran ninna lauter sawo koowa, penell o baro Dewel. Un me rakrom pale te pale tumentsa, un tumer kaman gar te shunell. Un me dom tumen gole, un tumer penan koi pre tchi.

Jeremia 9:13

Jon kran, hoi lengre tchilatche djia lenge penan, un djan o debleske Baal palla, jaake har lengre phure lende sikran.