Jeremia 12:15 - O Debleskro Drom 2021 (Sinte)

¹⁵ Pal kowa, kai anom kol wawar menshen dran lengro them, krau me lenge miro dji pale pre, un anau len pale an lengro them, kote, kai jon glan ko tsiro djiwan.

O Debleskro Lab 2024 (Sinte-Manouche)

¹⁵ Pal kova, kay anom kol vavar menshen dran lengro them, krau me lenge miro dji pale pre, oun anau len pale an lengro them, kote, kay yon glan ko tsiro djivan.

Jeremia 12:15 Referans Kwoze

Jeremia 49:6

Pal ko tsiro well jaake, te mukau i menshen dran o them Ammon pale pale te well. Kowa penell o baro Dewel.

Jeremia 48:47

I diwes well, kai krau me, te well i menshenge dran o them Moab pale lauter mishto, penell o baro Dewel. Kate herell pre, hoi o Jeremia pral o them Moab penas.

Jeremia 49:39

Pal i rah tsiro krau me, te well i menshenge dran o them Elam pale lauter mishto. Kowa penell o baro Dewel.

Amos 9:14

Me anau mire menshen Israel pale an lengro them. Un jon krenn i tele-phagede forja pale newes, un djiwenn koi dren, un tchiwenn drakengre ruka an i phub, un pijenn lengri mool, tchiwenn ruka an i phub un chan lengre rukengre.

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 3:20

Tumer kurepangre, awenn tumare phralenge pash o wast jaake rah bis te lan le ko them dren, hoi o baro Dewel len della ap i wawar rig o panjestar Jordan, un bis te mukell lo len kote te djiwell kek kurepah, jaake har job ninna tumenge kras. Palle nai djan tumer pale an tumaro them, hoi tumende dom.”

4. Mose 32:18

Mer kamah gar khere te djal, bis te hako Israelitari peskro kotar them las.

Bičepangre 15:16

Pal kowa wau me pale pash tumende, te krap o Davideskro kheer pale newes, kowa, hoi khetne peras.

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Jeremia 24:6

Ap lende dikau latches, un anau len pale pale an kau them. Un mukau len pale bares te well, un krau len gar paash, krau len pale soreles, un tradau len buder gar dran lengro them win.

Jeremia 29:14

palle mukau man tumendar te hatsell, penell o baro Dewel. Un me lau tumen dran tumaro pandepen win, un anau tumen khetne dran i tsele menshende un themma, kai tradom tumen, penell o baro Dewel. Un me anau tumen pale an kau them, kai mukom tumen krik te anell.

Daniel 11:4

Ap ko tsiro, kai was lo baro, phagell leskro them an star kotja – pal kol star bolepangre rigja. Kek kal star tikneder themma well jaake sorelo har leskro them his. Un kek leskre tchawendar lell tchomone kolestar. Na-a, leskri rajeskri soor was paash un was ap wawarende dureder dino.

Jeremia 16:15

Na-a, jon penenna: … pash o djido Debleste, kai las kol Israelitarjen win dran ko them, hoi kote tchiddo hi, kai norden hi, ninna dran kol tsele wawar themma, kai job len tradas. Tchatchepah, me kamau len pale anell an ko them, kai dom lengre phurende.