Jeremia 11:6 - O Debleskro Drom 2021 (Sinte)

⁶ Un o baro Dewel penas ap mande: Dja an kol forja an o them Juda, un ap kol dromma an o foro Jerusalem, un pen: Shunenn kol laba, hoi me tumentsa wi-krom, un krenn kowa ninna!

O Debleskro Lab 2024 (Sinte-Manouche)

⁶ Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

Jeremia 11:6 Referans Kwoze

Jakobo 1:22

Hi gar doha, te shunenn leskro lab. Tumer hunte krenn, hoi ko lab penella. Tumer te krenn kowa gar, palle chochenn tumen kokres.

Remarja 2:13

Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

Johanni 13:17

Tumer djinenn kowa kanna halauter. Te krenn tumer kowa, han bachtelo.

Jeremia 19:2

Un dja win an koi tala Ben-Hinnom, kai glan ko foreskro wudar hi, kai i paash-dine pirja tchiddo hi. Un pen i menshenge kol laba, hoi me tuke penau.

Jeremia 7:2

Dja un tchip tut an ko wudar o baro Debleskro kherestar, un pen i menshenge kal laba: Tumer lauter dran o them Juda, kai djan kate dren, te mangenn o baro Debles an, shunenn o baro Debleskro lab!

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Zakarie 7:7

Kawa hi kowa, hoi o baro Dewel mukas te penell dran o mui leskre rakepangre, kai glan mande koi his, har o foro Jerusalem brawelo his, un bud menshe kote djiwan, ninna an i forja trujel un an ko mulo them, hoi kharell Negev, un an o telstuno them.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.