Jakobo 5:9 - O Debleskro Drom 2021 (Sinte)

⁹ Mire phrala, ma rakrenn chojemen jek pral o wawareste, te lenn kek phagi o Deblestar! O Dewel, kai rakrell o tchatchepen win pral i menshende, hi kanna glan o wudar tardo.

O Debleskro Lab 2024 (Sinte-Manouche)

⁹ Mire phrala, ma rakrenn rhoyemen yek pral o vavareste, te lenn kek phagi o Deblestar! O Devel, kay rakrell o čačepen vin pral i menshende, hi kanna glan o voudar tardo.

Jakobo 5:9 Referans Kwoze

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Jakobo 4:11

Mire phrala! Ma rakrenn djungeles pral o wawareste! Koon pral peskro phraleste djungeles rakrella un o gushteha ap leskri doosh sikrella, kowa tchiwell pes pral kowa, hoi o Dewel penas. Tu te kreh kowa, hal tu buder gar jek, hoi o Debleskro tchatchepen krella. Na-a, tu tchiweh tut pral o tchatchepen.

Mateo 24:33

Jaake hi kowa ninna koleha, pral kowa rakrom. Te dikenn tumer, har kowa lauter wella, palle djinenn tumer, kai o Debleskro tsiro was.

1. Petro 4:9

Lenn jek o wawares kamles an peskro kheer! Un choirenn tumen gar pral koi budi, hoi tumen hi!

1. Mose 4:7

Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

Galatarja 5:26

Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

1. Petro 4:5

Well i diwes, kai wenn jon anlo glan o Debleste. Kowa rakrell o tchatchepen win pral i djidende, ninna pral i mulende. Un jon hunte penenn o Debleske, hoske jon ko tchilatcho koowa kran.

Galatarja 5:14

Te well jek jaake latcho ap o wawareste har job latcho ap peste hi, palle krell lo lauter, hoi o Dewel lestar kamella.

1. Korintarja 10:11

Kowa lauter, hoi ap lende was, sikrell men, hoi nai wella. Un mer, kai djiwah kau diwes un djinah, te atchell kau tsiro buder gar rah, menge was kowa tchinlo an i lila, te das mer jak ap mende.

Markus 13:29

Jaake hi kowa ninna koleha, pral kowa rakrom. Te dikenn tumer, har kowa lauter wella, palle djinenn tumer, kai job glan o wudar tardo hi.

2. Korintarja 9:7

Hakeno hunte dell jaake bud lowe, har leskro dji leske penella. Les hunte khaitell kowa gar, hoi job das! Job dell kowa pestar un gar, har te kaman le les lestar. O Dewel kamell kol menshen, kai denn o djijestar.

Markus 6:19

Un i Herodia his chojedo ap o Johanneste un kamas les te marell, un joi kras les nashte gar.

Debleskri gili 59:15

Un haki rat wenn le pale, nashenn trul o foro trujel, un denn gole har i djukle,

Debleskro tsiro 3:20

Dikenn, me hom glan o wudar tardo, un dau ap ko wudar. Koon shunell, hoi me penau, un krell mange o wudar pre, pash koleste djau me dren, un chau leha, un job chal mantsa.

Ezekiel 7:12

Ko tsiro was, ko diwes hi koi! O ginepaskro nai sal gar buder. Un kowa, kai hunte bikrell tchomone, hunte rowell gar koi pral. O baro Debleskri choli well pral kal tsele menshende.

Jakobo 4:12

O Dewel kokres hi o tchatchepaskro rai. Job nai dell jekes i phagi, un mukell i wawares te djal. Koon hal tu, te sikreh tu ap o wawareskri doosh?

Jakobo 5:7

Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

Jakobo 5:10

Mire phrala, dikenn ap o Debleskre rakepangre, kai penan i menshenge o Debleskro lab. Jon wan gar khino an lengre djia, ninna gar, har wan bud duka ap lende. Awenn har jon!