Jakobo 3:14 - O Debleskro Drom 2021 (Sinte)

¹⁴ Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

O Debleskro Lab 2024 (Sinte-Manouche)

¹⁴ Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

Jakobo 3:14 Referans Kwoze

Jakobo 3:16

Kote, kai i menshe silwerenna, un hadenn pen pre pral i wawarende, kote hi tchingepen un hako tchilatcho koowa.

1. Korintarja 13:4

Kones hi o Debleskro kamlepen an o dji, kowa rikrella lauter win. Job hi latcho un silwerella gar. Job krell pes gar bares un sharell pes gar.

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

1. Korintarja 3:3

Tumer djiwenn jaake har te prindjrenn o Jesus Kristes gar. Te hi tchingepen mank tumende, un te silwerenna, palle djiwenna jaake har i menshe, kai prindjrenn o Jesus Kristes gar.

Remarja 13:13

Djiwas jaake djudjo, har djiwenn i menshe ap o diwes. Te djas gar kote, kai chan le pen nasselo un pijenn pen mato! Te kras gar wi-ladjedo koowa! Te tchingras gar, un dikas gar tchilatche jakentsa ap kowa, hoi o wawares hi!

2. Korintarja 12:20

Me trashau, te wau pash tumende, dikau sawo koowa pash tumende, hoi kamau gar. Palle hom me witar gar jaake har tumer kamenna. Me trashau te dikau tchingepen mank tumende, ninna silwepen, choli, praassepen, djungelo rakepen pral o wawareste, pre-phurdepen, bipandlo djipen, un jek kamell feteder te well har ko wawar.

Filiparja 1:15

Mashkral lende hi ninna sawe, kai silwerenn ap mande. Kolla rakrenn o Jesus Kristestar, te sikrenn le mande, kai jon kowa feteder haiwenna har me. Jon krenn kowa dran i tchilatcho dji un kamenn, te well mange budeder ropaske. Wawar sikrenn i menshende o Jesuseskro drom dran i latcho dji. Jon kamenn man o djijestar un djinenna, me hom kate stildo, te sikrap o Jesuseskro drom i tchatchepangren jaake, te djinenn le o tchatchepen.

Jakobo 5:19

Mire phrala, djinenn: Te peras jek tumendar o tchatcho dromestar tele, un jek wawar anell les pale ap o tchatcho drom,

Bičepangre 5:17

Ko baro rashai un kol Sadduzarja, kai pash leste his, kolla silweran ap o Jesuseskre bitchepangre,

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

1. Timoteo 6:4

palle hi job pre-phurdo un haiwell tchi. Job kamell te tchingrell pes hako labeske. Kowa hi jaake har i nasslepen. Dran sawo koowa well, te silwerenn le, te tchingrenn pen le, te rakrenn le djungeles jek pral o wawareste, te dikell ko jek tchilatche jakentsa ap o wawareste.

1. Korintarja 5:2

Tumer han pre-phurdo. Tumer hunte rowans pral ko koowa, un hunte tchiwans koles pale, kai kras ko koowa.

Remarja 2:8

Ap kol wawarende well leskri choli. Lenge hi lo gar latches. Jon hi kolla, kai djiwan pal pengro shero un shunan gar ap o Debleskro tchatcho lab, un kran, hoi lengro tchilatcho dji lenge penas.

Gosewe laba 27:4

I choli hi diwjo un sorelo har i sorelo pani, hoi lauter peha krik tserdell. Koon nai atchell tardo te silwerell i mursh?

Gosewe laba 14:30

Shukapen an o dji krell o tselo menshes sasto. I dji, hoi silwerell, hi har i nasslepen, hoi i kokale pre chal.

2. Rajengro liil 10:31

O Jehu rikras pes gar peskro tselo djijestar ap i laba o baro Deblestar, kai o Israeleskro Dewel hi. Job mukas gar kol chochene deblen, hoi o Jerobeam kras, un kolentsa job i Israelitarjen o Debleskro dromestar tele anas.

Galatarja 6:13

Jon ninna, kai mukan pen ap o mass te tchinell, krenn gar lauter, hoi o Moseskre laba penenna. Doleske kamenn le, te mukenn tumen ap o mass te tchinell, jaake te sharenn jon pen glan i menshende.

Galatarja 5:26

Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

Galatarja 5:21

Jon kamenn kowa, hoi o wawares hi. Jon hi pipangre un chapangre. Un bud wawar tchilatcho koowa krenn jon. Me penom tumenge un penau pale: Koon jaake djiwella, well gar pash o Debleste an o bolepen un lell gar ko latcho koowa, hoi o Debles peskre tchawenge hi.

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

1. Korintarja 5:6

Tumer sharenn tumen. Un kowa hi gar mishto. Djinenn tumer gar, te krell i tikno kotar shutlo jarro ko tselo wawar jarro shutlo?

Remarja 2:17

Hoi krenn tumer, i bibolde? Tumer sharenn tumen un penenn: “Me hom i biboldo un prindjrau o Moseskre laba. O baro Dewel hi miro Dewel.

Remarja 1:29

Jon hi pherdo tchilatchepen, djunglepen, ninna bok pal i lowe. Jon hi tchilatcho un silwerenn, tchingrenn, chochenn, marenn, un dukrenn i wawaren. Jon rakrenn djungeles pral i wawarende,

Bičepangre 26:9

His i tsiro, kai kamom me ninna miri tseli sorjah kau newo patsepen ap o Jesuseste dran Nazaret paash te krell.

Bičepangre 13:45

Har i bibolde kol bud menshen dikan, silweran le ap kol dujende. Jon tchingran ap o Pauleste, un rakran i djungele laba pral leste.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Mateo 27:18

O Pilato djinas mishto, te silwerenn le ap o Jesuseste. Un dran kowa dan le les an leskre wasta.

Habakuk 1:3

Hoske mukeh tu man sawo tchilatchepen te dikell? Hoske dikeh tu, har i menshe dukedo wenna, un kreh tchi? Kai dikau, dikau tchorepen un djungelo koowa, kurepen un tchingepen.

Jesaja 11:13

Palle silwerenn i menshe an Efrajim buder gar ap kolende an Juda. Un kolla dran Juda krenn kolenge dran Efrajim buder kek tchilatchepen.

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

2. Rajengro liil 10:16

un penas: “Am mantsa un dik har miri tseli sorjah o baro Debleske koi hom!” Un job mukas les peha ulerell ap peskro wurdin.

1. Mose 37:11

Un leskre phrala dikan tchilatche jakentsa ap leste. Leskro dad rikras kol laba an peskro dji.

Bičepangre 7:9

Mare phure dada silweran ap o Josefeste, un bikran les an o them Egiptia. Un o Dewel his pash leste,

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

1. Timoteo 2:4

Job kamella, te wenn i tsele menshe ap leskro drom, un te haiwenn le leskro tchatchepen.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

1. Mose 38:9

O Onan djinas, kai kol tchawe gar leskre hi. Doleske kras job jaake, kai peskro phraleskri romni gar an wawar koowa wella, hako kopo har was lo lah khetne. Job kamas gar, te well i tchawo leskro phraleske boldo.