Jakobo 2:6 - O Debleskro Drom 2021 (Sinte)

⁶ Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.

O Debleskro Lab 2024 (Sinte-Manouche)

⁶ Har hi kova pash t'mende? I čorvele hi t'menge či moldo. I bravele hi t'menge boudeder moldo. Oun yon hi kolla, kay rikrenn t'men tele, oun anenn čilačo koova ap t'mende oun anenn t'men glan i čačepangre.

Jakobo 2:6 Referans Kwoze

Gosewe laba 17:5

Kowa kai pral i tchorweleste sal, kowa praassell koles, kai les kras. Kowa, kai bachtelo hi pral o wawareskri bibacht, sawo lell peskri phagi.

1. Korintarja 11:22

Nai chan un pijenn tumer gar khere? Hi kol patsle, kai o Debleske khetne wenna, tchi moldo an tumare jaka? Kamenn tumer ladj ap kolende te anell, kolen tchi hi? Hoi penap me tumenge? Sharap me tumen? Na-a! Doleske sharau me tumen gar.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Debleskri gili 14:6

“Tumer kaman i tchorwelenge tchilatchepen te krell, un kowa paash te krell, hoi jon kaman. O baro Dewel rikrell peskre wasta pral lende.”

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Jakobo 2:3

Un tumer penans ap koleste, kai railo rido hi: “Besh tut kai ap ko shukar beshepaskro,” un ap ko tchorweleste penans: “Atch koi tardo! Tu nai besheh tut ninna ap kai phub!”

Bičepangre 17:6

Har jon kol dujen gar hatsan, lan le o Jason un wawar patslen, un anan len glan kolende, kai his pralstune pral ko foro, un dan gole: “Kalla menshe krenn ap i tseli phub tchingepen. Kalla wan kanna ninna kate pash mende,

Bičepangre 13:50

Koi djan i pralstune bibolde pash kol brawele djuwjende, kai lan i biboldengro patsepen an, ninna pash kol pralstunende an ko foro, rakran lentsa un kran, te wan le chojedo ap o Pauleste un ap o Barnabeste. Un khetne lentsa lan le len palla un tradan len dran ko foro win.

Bičepangre 8:3

O Saulo kras lauter, te nai marell lo i tsele patslen. Job djas an i khera, las len koi win, murshen har djuwjen, un witsras len an o stilepen.

Zakarie 7:10

Ma krenn tchilatchepen kol romjenge, kolengro rom meras, un kol tchawenge, kolen kek dad buder hi, witar gar kolenge, kai wi-themarja hi un kol tchorwelenge! Ma lenn tumenge glan an tumare djia, te dukrenn tumaro phrales!”

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Gosewe laba 22:16

Kowa, kai rikrell i tchorweles tele, te well job kokres brawleder, ninna kowa, kai dell i braweles tchomone, kowa krell, te well lo kokres tchorwelo.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Jakobo 5:6

Koles, kai his kek doosh ap leste, anan tumer glan i tchatchepangre, te well lo mulo dino. Kowa kamas pes gar tumentsa te tchingrell.

Bičepangre 18:12

An ko tsiro, har his o Gallio o pralstuno un tchatchepaskro rai pral o them Achaja, tchiwan pen kol bibolde khetne, un anan o Paules glan leste,

Habakuk 3:14

Tu dal leskre faile an leskro shero. Leskre tsele lurde nashan penge kate te kote. An pengro pre-phurdepen kaman le men krik te tradell. Kolen kai kek soor hi, kaman le pre te chal an pengro khatepen.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Debleskri gili 10:10

Job djal tele ap i tchanga un stell ap o tchorweleste, un peskri sorjah witsrell lo les an i tchik.

Debleskri gili 10:8

Khatemen pal i khera hi lo beshdo, un tchorchanes dell lo kolen mulo, kai ap lende kek doosh hi. Leskre jaka djan o tchorweleske palla.

Debleskri gili 10:2

O tchilatcho hi pre-phurdo un lell i tchorwelen palla, un krell lentsa ko tchilatcho koowa, hoi leske an leskro shero trujel djal.

Hiob 20:19

I tchorwelen rikras lo tele, un was lenge gar ap i rig. Job tradas menshen dran pengre khera, te lell lo peske kol khera, hoi job gar kras.

Johanni 8:49

“Na-a,” penas o Jesus, “an mande hi kek beng. Me sharau miro dades. Tumer kamenn man gar te sharell.

Gosewe laba 18:23

O tchorwelo mangell o ropah, o brawelo rakrell pale i djijeha, hoi hi har i bar.

Gosewe laba 22:7

O brawelo hi o rai pral o tchorweleste. Un kowa, kai patsell peske lowe, hunte budrell koleske, pash koleste job sijaan hi.