Jakobo 1:5 - O Debleskro Drom 2021 (Sinte)

⁵ Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

O Debleskro Lab 2024 (Sinte-Manouche)

⁵ Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Jakobo 1:5 Referans Kwoze

Johanni 15:7

Te atchenn tumer an mande un krenn kowa, hoi me penom, palle nai mangenna mandar, hoi kamenna. Un kowa lenn tumer.

2. Familjakro liil 1:10

De man kanna goswepen, te djinap har te djap lentsa trujel! Har nai dap hakeneste tire bud menshendar peskro tchatchepen, tu te deh man kowa gar?”

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

Johanni 14:13

Un hoi tumer an miro lab mangenna, kowa kamau me te krell tumenge. Kowa, hoi o tchawo krella, sikrell i menshende o Debleskro railepen un leskri soor.

1. Johanni 3:22

Un lauter, hoi mer lestar mangah, kowa lah mer, te rikrah men ap kowa, hoi job menge penas, un djiwah jaake, har job kamella.

2. Mose 31:3

Me tchiwom miro ducho an leste, un dom les goswepen un wasta, hoi haiwenn mishto te budrell,

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

2. Mose 31:6

Shun, me rodom ninna i wawares win, te djal lo leske pash o wast. Kowa hi o Oholiab. Leskro dad hi o Ahisamach, dran o kheer Dan. Lentsa budrenn hake wawar, kai haiwenn mishto lengre wastentsa te budrell. Lenge dom me o goswepen an o dji, te krenn le lauter jaake, har me tuke penom:

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

1. Familjakro liil 22:12

Mu dell lo tut goswepen, te djiness, hoi te kress. Job krell tut rai pral Israel, te djas ap leskro drom.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Mateo 11:20

Palle tchingras lo pral kol forja, kai job bud baro koowa kras an o Debleskri soor. I menshe kote mukan gar pengro tchilatcho drom, te djan le ap o Debleskro drom.

2. Korintarja 2:16

Kolenge, kai djan nashedo, hi kowa har i djungeli khand, hoi anell len an o merepen. Kolenge, kai lenn o Debleskro djipen, hi kowa i latcho sungepen, hoi anell len an o djipen. Kaja hi i bari budi. Koon nai krell kowa lauter mishto? Kek.

Markus 16:14

Koi pre, har kol deesh-te-jek pash o chapen beshdo his, mukas lo pes lendar te dikell un tchingras ap lende, kai hi lengre djia har barra, un te patsan le gar kolenge, kai les dikan, har job i mulendar pre stas.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.