Jakobo 1:19 - O Debleskro Drom 2021 (Sinte)

¹⁹ Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

O Debleskro Lab 2024 (Sinte-Manouche)

¹⁹ Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 1:19 Referans Kwoze

Gosewe laba 17:27

Kowa, kai peskre laba pale rikrell, sikrell, te djinell lo, hoi mishto hi. Kowa, kai gar sik an i choli well, sikrell, te hi lo gosewo.

Gosewe laba 21:23

Kowa, kai nai rikrell peskro mui un dell jak ap peskri tchip, sawo rikrell bibacht pestar krik.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Gosewe laba 10:19

Koon bud laba krell, anell ninna doosh ap peste. Koon peskro mui rikrell, hi gosewo.

Gosewe laba 18:13

Shun! Un palle rake! Te kreh wawartchandes, hal dinelo un hunte ladjess tut.

Gosewe laba 13:3

Kowa kai ap peskro rakepen jak dell, kowa dell jak ap peskro djipen. Koles i baro mui hi, kowa tserdell bibacht ap peste.

Gosewe laba 16:32

Jek, kai gar sik chojedo wella, hi feteder har i tchatcho kurepaskro. Un koon o rai pral peste hi, hi budeder moldo har jek, kai i tselo foro dren lell.

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Gosewe laba 15:18

I mursh an koleste choli hi, anell tchingepen. Jek, kai gar sik chojedo well, kowa lell i jag dran o tchingepen.

Kolossarja 3:8

Kanna djiwenn tumer buder gar tumaro phuro djipen. Doleske tchiwenn i choli tumendar krik, ninna o tchilatchepen, o djungelo rakepen pral o wawareste, wi-ladjede laba! Ma chochenn tumen!

Efesarja 4:31

Awenn ap kekeste tchilatcho un chojedo! Tchingrenn ap kekeste, un praassenn kekes!

Gosewe laba 18:21

Kol laba, hoi jek rakrell, nai anenn leske o merepen un ninna o djipen. Un kowa, kai bud rakrell, dikella, hoi leskre laba leske dren anenn.

Kolossarja 3:15

O Jesus Kristo das tumen pash peste gole, te djiwenn lauter leha khetne. Djiwenn kanna jaake, te han tumer jek dji un jek djipen! Un parkrenn tumen pash o Debleste!

Gosewe laba 19:11

Koles tchatcho goswepen hi an o dji, kowa well gar sik chojedo, un dikell gar ap i doosh i wawarendar. Doleske dikenn le pre ap leste.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Gosewe laba 25:28

Jaake har i foro, kai kek massuri trul leste hi, jaake hi i mursh, kai nai rikrell gar peskri choli pale.

Gosewe laba 14:17

Koon sik an i choli well, krell jek dinelo koowa pal o wawar. Un koon lell pes tchilatchepen glan, pral koleste hi le chojedo.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Gosewe laba 17:14

Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

Jakobo 1:26

Te penell i mensho: “Me djiwau pal o Debleskro lab,” un job rikrell peskro mui nai gar, kowa chochell pes kokres. Un kowa, hoi job o Debleske krella, hi tchi moldo.

1. Tessalonikarja 2:13

Doleske mukah gar tele, te parkras men pash o Debleste, te patsan tumer o Debleskro lab, hoi tumenge penam. Un tumer haiwan, ko lab well tchatchepah o Deblestar un gar i menshendar. Un tumaro djipen sikrella, te patsenn tumer ap ko lab.

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

Bičepangre 17:11

I bibolde an o foro Berea shunan feteder ap o Debleskro lab, har kol bibolde an o foro Tessalonika. Jon shunan o Debleskro lab pengro tselo djijeha, un rodan hako diwes an o Debleskro lab, te djinenn le, te hi kowa tchatcho, hoi o Paulo penas.

Louka 19:48

Jon djinan gar, har nai tapran le les. Bud menshe his trul leste, un kaman hako lab te shunell, hoi job penas.

Markus 2:2

Koi wan jaake bud menshe an o kheer un glan o wudar khetne, te nai djas buder kek an o kheer dren. Un o Jesus penas lenge o Debleskro lab.

Gosewe laba 19:19

Kowa, kai dran i bari choli tchomone kras, muk les peskri phagi te lell. Weh tu ap leskri rig, hunte kress tu kowa pale te pale.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Bičepangre 2:42

Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Louka 15:1

His i diwes, kai wan bud bibolde pash o Jesuseste, kai lenn i biboldendar lowe i Remarjenge dren, un bud wawar, kai tchilatcho koowa kran un doleske pale-tchidde hi. Jon lauter kaman te shunenn le les.

Nehemia 9:3

Un jon his hakeno ap peskri platsa tardo, har was glan drawedo dran ko liil, kai sikrell o drom o baro Deblestar, kai lengro Dewel hi. I starto kotar o diwestar was glan drawedo un o starto kotar o diwestar penan le pengri doosh, un witsran pen tele glan o baro Debleste, koles jon an-mangan.

1. Johanni 2:21

Me tchinom tumenge gar, har te prindjrans tumer o tchatchepen gar. Tumer prindjrenn les, un djinenn, kai kek chochepen dran o tchatchepen wella.

Bičepangre 13:48

Har kolla, kai hi kek bibolde, kowa shunan, wan le bachtelo, un sharan o Debleskro lab. Un lauter kolla wan patslo, kai o Deblestar win rodedo wan, te lenn jon ko djipen, hoi gar pre-herella.

Markus 12:37

Koi penell o David mo rai ap leste. Har well lo nai leskro tchawo? Un i tsele menshe kaman, te shunenn le o Jesuseskro rakepen.

Nehemia 8:18

Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

4. Mose 22:27

Un har koi burika o baro Debleskro bolepaskres dikas, tchiwas pes li tele. Un o Bileam his pre-beshdo. Koi tapras o Bileames i choli. Un job das koi burika i kashteha.

Gosewe laba 29:20

Dikeh tu i murshes, kai sik ap o rakepen hi, i dineleske nai djal feteder har saweske.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Jakobo 1:2

Mire phrala, te well pharo koowa ap tumende, palle dikenn koi pre, har te well kowa i bacht tumenge.

Jakobo 1:16

Mire kamle phrala! Ma chochenn tumen kokres!

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Jakobo 3:10

Dran ko emligo mui wella sharepen un praassepen. Kowa hi gar mishto, mire phrala!

Jakobo 4:11

Mire phrala! Ma rakrenn djungeles pral o wawareste! Koon pral peskro phraleste djungeles rakrella un o gushteha ap leskri doosh sikrella, kowa tchiwell pes pral kowa, hoi o Dewel penas. Tu te kreh kowa, hal tu buder gar jek, hoi o Debleskro tchatchepen krella. Na-a, tu tchiweh tut pral o tchatchepen.

Jakobo 5:12

Mire phrala, ma denn tumen sowel, gar ap o bolepen, witar gar ap i phub un witar gar ap wawar koowa. Te penenn tumer: “Awa,” jaake hunte well kowa ninna awa. Un te penenn tumer: “Na-a,” jaake hunte well kowa ninna na-a, te lenn kek phagi o Deblestar.

Jakobo 5:19

Mire phrala, djinenn: Te peras jek tumendar o tchatcho dromestar tele, un jek wawar anell les pale ap o tchatcho drom,

Hiob 32:16

Har nai rikrap man kanna pale, kai jon gar buder dureder rakrenn? Kote hi le tardo un nai penenn tchi pale.