Jakobo 1:10 - O Debleskro Drom 2021 (Sinte)

¹⁰ I brawelo hunte sharell pes gar pral peskro brawlepen. Job hunte djinell, te atchell lo gar. Har i bluma an o senlepen merell lo.

O Debleskro Lab 2024 (Sinte-Manouche)

¹⁰ I bravelo hounte sharell pes gar pral peskro bravlepen. Yob hounte djinell, te ačell lo gar. Har i blouma an o zenlepen merell lo.

Jakobo 1:10 Referans Kwoze

1. Petro 1:24

An o Debleskro lab hi tchinlo: I tsele menshe hi har o senlepen un har shukar blume. O senlepen merella, un i blume perenn tele.

1. Johanni 2:17

Kai phub atchella gar, witar gar kowa, hoi i menshe ap kai phub kamenna. Koon krella, hoi o Dewel kamella, kowa atchella hako tsiro.

Hiob 14:2

Har i bluma well lo baro un merell tele. Jaake har i shatto, hoi well buder gar diklo, te djal o kham tele, hi lo buder gar.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

Mateo 5:3

Bachtele hi kolla, kai djinenna, kai hi le tchorwelo glan o Debleste. Jon djiwenna o Debleha khetne an o bolepen un lenn leskro brawlepen.

1. Korintarja 7:31

Kai phub un lauter, hoi koi pre hi, atchella gar. Doleske pandenn tumen gar ap ko koowa, hoi i menshenge ap kai phub jaake bud moldo hi!

Debleskri gili 103:15

I mensho hi har khass, har senlepen, hoi pre-djas.

Jakobo 4:14

Jaake rakrenn tumer un djinenn gar, hoi taissar hi! Tumaro djipen hi har i ducho, hoi atchella gar. Tumer han i tikno tsiro djido. Un ap jek kopo han tumer buder gar koi.

Mateo 6:30

O Dewel kras o senlepen jaake shukar, hoi kau diwes win tardo hi, un o wawar diwes an o bob witsedo wella. Kitse kope budeder nai dell lo tumen an-ripaske! Hoske hi tumaro patsepen jaake tikno?

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Jesaja 40:6

Un shunom, har jek penas: “Rake tire menshentsa!” Un me putchom: “Hoi dap gole?” “I tsele menshe hi har khass, un har diwje blume djiwenn le kek rah tsiro.

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Debleskri gili 37:2

Jon hi har khass, hoi merell, te dell kek brishin, un har o senlepen, hoi atchell gar.

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Jesaja 40:7

Te phurdell o baro Dewel pral lende, well o khass djelto, un i bluma perell tele. Tchatchepah, i menshe hi har khass!